मद्यपीचा नगरपरिषद कर्मचाऱ्यांवर हल्ला तथा सार्वजनिक साहित्यांची तोडफोड

घुग्घूस  : नगरपरिषदचे रोजंदारी कर्मचारी श्री संतोष भगत हे दिक्षित तलाव जवळील सार्वजनिक शौचालय येथे दिनांक 05/10/2023 ला साफसफाईचे कार्य करीत असताना सायंकाळी  07:00 वाजताच्या दरम्यान  विजय कवडू कामतवार हा इसम दारूच्या नशेत येऊन सदर कर्मचाऱ्याला शिवीगाळ करून धक्काबुक्की केली व सार्वजनिक शौचालय मधिल नळाची तोडफोड केली.

नगर परिषद  मुख्याधिकारी  जितेंद्र गादेवार यांना सदर घटनेची माहिती मिळताच रात्रौ. 10:00 वाजता तात्काळ घुग्घुस येथे दाखल झाले, दोषी वर योग्य ती फौजदारी कार्यवाही व्हावी आणि अशा प्रकारच्या अनुचित घटना यापुढे घडू नये याकरिता सदर व्यक्ती वर पोलीस ठाण्यात तक्रार केली असता 353,332,294,506 कलमंतर्गत गुन्हा दाखल करण्यात आला

तसेच या घटनेचा नगरपरिषद घुग्घुस मधिल सर्व कर्मचाऱ्याकडून जाहीर निषेध करण्यात आला