वेकोली अधिकारी व हेच.आर.जी कंपनीच्या साठीगाठीने ओव्हहरलोड वाहतूक जोरात सुरू

खदानीतुन अनक्रश कोळसाचा वाहतुक रेल्वे सायडींगात मोठ्या प्रमाणात सुरू

घुग्घूस :

मर्यादेपेक्षा जास्त कोळशाची वाहतूक करणे हे अवैध असतांना वेकोलीच्या पैनगंगा व मुंगोली कोळशाच्या खाणीतून शिरपूर मार्गे बेलोरा पुलावरून मोठ्या प्रमाणात होत असलेल्या हेच.आर.जी कंपनीच्या जडवाहतुकीवर आज सकाळच्या सुमारास वाहतूक पोलिसांनी कारवाई करीत प्रति वाहन पाचशे रुपये दंड ठोठावण्यात आले यात विना टारपॉलिन वाहनांचा ही समावेश आहे.

परिसरातील या खाणीतुन घुग्गुस येथील जुनी व नवीन रेल्वे सायडिंगवर कोळशाची वाहतूक होत असते.

यात नोडल अधिकारी,काटा बाबू व सब - एरियाची तसेच साईडीग इंजार्ज मुकसंमती असल्या शिवाय तसेच चिरीमिरी शिवाय इतक्या मोठ्या प्रमाणावर जडवाहतुक होणे शक्य नाही.

या जडवाहतुकीचा तसेच विना टारपॉलिन वाहनाचा परिसरातील नागरिकांना जीवघेणा त्रास सोसावा लागतो प्रदुषणामुळे रस्त्यावर अपघाताचे प्रमाण वाढले आहे शेत पिकाचे नुकसान सुद्धा मोठ्या प्रमाणात होत आहे जागो जागी रस्ते व बेलोरा पुलावर मोठं - मोठे भगदाड पडलेले आहेत.

वेकोली कंपनीत कोळसा वाहतुकीचा कंत्राट घेतलेल्या हरिराम गोधरा कंपनीतर्फे मोठ्या प्रमाणात ओव्हहरलोड वाहतूक व विना टारपॉलिनची वाहतूक केली जाते यावर कडक कारवाई करण्याची नागरिकांतर्फे करण्यात येत आहे