*आमदार सुभाष धोटेंकडून ढवळे कुटुंबाचे सांत्वन*

*आमदार सुभाष धोटेंकडून ढवळे कुटुंबाचे सांत्वन*

✍️दिनेश झाडे

चंद्रपूर जिल्हा प्रतिनिधी

कोरपना  :-तालुक्यातील गडचांदूर- सांगोडा राज्यमार्गावर ट्रकच्या धडकेत दिनांक १९ ला मंगळवारी आवाळपूर येथील ६३ वर्षीय ज्येष्ठ नागरिक रामदास ढवळे यांचे निधन झाले. तर मधुकर जोगी (६२) रा. आवाळपूर हे जखमी झाले. रामदास ढवळे व मधुकर जोगी हे अंतरगाव येथील रामदास ढवळे यांच्या जावयाकडे गणपती व नातवाच्या वाढदिवसाच्या निमित्ताने जेवण करावयास निघाले होते. आवाळपूर येथून थोड्याच अंतरावर हिरापूर गावाजवळ मारोती मून यांच्या शेताजवळ एका भरधाव ओव्हरलोड ट्रकने त्यांच्या दुचाकीला धडक दिली.ढवळे यांच्या मृत्यूने त्यांच्या कुटुंबीयांवर फार मोठा आघात झाला असून रस्त्याची दुरावस्था याला कारणीभूत आहे. नांदाफाटा- आवाळपूर- हिरापुर हा रस्ता मंजूर असून शिंदे फडणवीस सरकारने या रस्त्यावर स्थगिती आणली आहे. या विरोधात आपण विधानसभेत वारंवार आवाज उठवला. मात्र सत्ताधाऱ्यांना विरोधकांचा आवाज ऐकायला येत नाही. आमदार जरी विरोधी पक्षाचा असला तरी जनतेच्या मागणीकडे राज्य सरकार म्हणून शासनाने लक्ष दिले पाहिजे. मात्र या निगरगट्टा सरकारला केवळ राजकारण करायचे असून स्थगिती सरकारच्या अशा वागण्यामुळे नागरिकांचे जीव जात असेल तर यापुढे आम्ही शांत बसणार नाही. असे आमदार सुभाष धोटे यांनी यावेळी म्हटले. ढवळे परिवाराला संपूर्ण मदत मिळवून देण्याचे त्यांनी आश्वासन दिले असून यावेळी ढवळे कुटुंबीयांसह राजुरा विधानसभा युवक काँग्रेसचे माजी अध्यक्ष आशिष देरकर, महिला काँग्रेस अध्यक्ष आशा खासरे, आवाळपूर येथील माजी सरपंच सिद्धार्थ वानखेडे, ग्रामपंचायत सदस्य कल्पतरू कन्नाके, सुरज कुळमेथे, स्वप्निल मुंगूल, ज्योती नाहर उपस्थित होते.