*इन्फंट च्या विद्यार्थ्यांनी दिली महाराष्ट्र बँकेला भेट*

*इन्फंट च्या विद्यार्थ्यांनी दिली महाराष्ट्र बँकेला भेट*

✍️दिनेश झाडे

चंद्रपूर जिल्हा प्रतिनिधी

राजुरा :-- इन्फंट जिजस सोसायटी द्वारा संचालित इन्फंट जिजस इंग्लिश हायस्कूल च्या वतीने इयत्ता नवव्या वर्गातील विद्यार्थ्यांनी महाराष्ट्र बँकेला शैक्षणिक भेट दिली. विद्यार्थ्यांना व्यावहारीक तसेच दैनंदिन जीवनातील ज्ञान मिळावे हा यामागचा हेतु होता. बँकेत चालणारे कामकाज' म्हणजेच पैसे काढणे, पैसे जमा करणे, चेक व अन्य व्यवहार कसे करायचे याबद्दल बँकेने व्यवस्थापक रमेश नायक यांनी विदयार्थ्यांना मार्गदर्शन केले.तसेच बँकेत कार्यरत असणारे बँकेचे उपव्यवस्थापक संजीव गौड,  अक्षय चौधरी, आकाश बानकर, विवेक डोंगरकर यांनी आपल्या जिवनात असलेले बँकेचे महत्व, तिथे चालणारे दैनंदिन कामकाज, याबाबत सविस्तर माहीती समजावून सांगितली. विद्यार्थ्यांनी देखील उत्स्फुर्त प्रतिसाद दिला. या प्रसंगी नवव्या वर्गाचे वर्गशिक्षक शोएब शेख, विषय शिक्षिका सुनिता पाटील यासह अन्य शिक्षक, विद्यार्थी उपस्थित होते.