*गरीब रुग्ण तळफळतोय नगरपरिषद म्हणते रुग्णवाहिकेवर चालक नाही*

*घुग्घुस शहरातील समाजमन सुन्न करणारी घटना*

घुग्घूस : नुकताच जवान चित्रपट झळकला असून चित्रपटाने आरोग्य विभागातील अराजकता उघडकीस आणली मात्र बेशरम व निगरगट्ट प्रशासनाला याचा काहीच फरक पडत नाही.

देश स्वातंत्र्याचा अमृत महोत्सव साजरा करीत आहे.

स्वातंत्र्यदिनाच्या औचित्य साधून लॉयड्स मेटल्स या कंपनीने मोठा गाजावाजा करीत घुग्घुस नगरपरिषदेला 14 ऑगस्ट 2023 रोजी एक आधुनिक सोयीयुक्त रुग्णवाहिका व शववाहिका भेट स्वरूपात दिली

मात्र घुग्घुस नगरपरिषदेच्या भोंगळ कारभाराने नागरिकांच्या कामी रुग्णवाहिका तर आलीच नाही आणि शववाहिका त्या रुग्णाला कामी पडू नये अशीच नागरिकांची प्रार्थना आहे.

शहरातील आदिवासी समाजातील वयोवृद्ध महिला ताराबाई आत्राम या घरात पडल्याने गंभीररित्या घायाळ झाल्या त्यांना तातळीने रुग्णालयात दाखल करणे आवश्यक होते.

काँग्रेस नेते सैय्यद अनवर यांनी रुग्णालया करिता नगरपरिषदेच्या जवळपास सर्व कर्मचाऱ्यांशी संपर्क साधला त्यांनी मुख्याधिकारीशी संपर्क साधण्यास सांगितले मुख्याधिकारी जितेंद्र गादेवार यांनी रुग्णवाहिके करिता चार्जेस लागतील असे सांगितले असता अनवर यांनी चार्जेस भरण्याची तैयारी दर्शविली असता रुग्णवाहिकेवर चालक नसल्याचे सांगितले हा नागरिकांच्या जीवनाशी खेळण्याचा प्रकार शहरात शुरु आहे

ज्या लॉयड्स मेटल्स कंपनीने रुग्णवाहिका दिली ती कंपनी एक चालक देऊ शकत नाही का ?

कंपनीच रुग्णवाहिका देत असेल तर गरीब नागरिकांनी चार्जेस का द्यावे ही कंपनी डिजलचा खर्च उचलू शकत नाही का ?

एक महिन्याचा कालावधी होत असतांना नगरपरिषदेने चालक का ठेवले नाही ?

असे अनेक गंभीर प्रश्न याप्रसंगी उभे होत आहे.

त्या रुग्णाला शेवटी एका खाजगी वाहनात रुग्णालयात नेण्यात आले मात्र नगरपरिषदेची रुग्णवाहिका गोर - गरिबांच्या कामी पडली नाही.

शहरातील गोरगरीब नागरिक नगरपरिषदेच्या मुख्याधिकारी यांना संपर्क करू शकत नसल्याने सदर रुग्णवाहिका ग्रामीण रुग्णालयाच्या स्वाधीन करावी अशी मागणी काँग्रेस नेते सैय्यद अनवर यांनी केली आहे