घुग्घुस येथे उपविभागीय पोलीस अधिकाऱ्यांनी घेतली बैठक,

*गणेशोत्सव व ईद शांततेत साजरे करण्याचे आवाहन

*

आगामी काळात येणारे सर्व सण व गणेशोत्सव तसेच ईद शांततेत साजरे करा असे आवाहन करत घुग्घुस शहरात उपविभागीय पोलीस अधिकारी सुधीर नंदनवार यांनी पाहणी केली.यावेळी घुग्घुस पोलीस ठाण्याचे पोलीस निरीक्षक आसिफराजा शेख यांच्यासह पोलीस अधिकारी व कर्मचारी उपस्थित होते.

एकाच दिवशी गणपती विसर्जन आणि ईद असल्यामुळे सर्वांनी मिरवणुकीच्या वेळा पाळाव्यात तसेच नियमांचे पालन करावे. सर्व स्थानिक स्वराज्य संस्थांनी मिरवणुकीचे रस्ते व्यवस्थित करून घ्यावे. डीजे / लाऊडस्पीकरचा आवाज 55 डेसीबलपेक्षा जास्त नसावा. ‘एक खिडकी’ योजनेंतर्गत गणपती मंडळांना सर्व परवानग्या देण्यात येणार आहे. तसेच मिरवणुकीच्या रस्त्यावर बॅनर, फटाके, कमानी लावण्यात येऊ नये. वाहतूक व्यवस्था चोख ठेवण्यासाठी संबंधित विभागाने योग्य नियोजन करावे आशा सूचना उपविभागीय पोलीस अधिकारी सुधीर नंदनवार यांनी केल्या आहेत.