घुग्घुस येथील शहरातील राजीव रतन रेल्वे उड्डाणपुलाचे काम कासवगतीने सुरू,

ठिकठिकाणी वाहतूक कोंडी, नागरिकांसह रुग्णांना फटका*

घुग्घुस :- चंद्रपूर जिल्ह्यातील अतिमहत्त्वाचा रस्ता समजल्या जाणाऱ्या व थेट मुंबईला जोडणाऱ्या घुग्घुस शहरातील राजीव रतन रेल्वे उड्डाणपुलाचे काम कासवगतीने सुरू असून ठिकठिकाणी वाहतूक कोंडी होत आहे.परिणामी नागरिकांसह रुग्णांना फटका बसत असून या रेल्वे उड्डाणपुलाचे काम लवकरात लवकर पूर्ण करावे अशी मागणी सामाजिक कार्यकर्ते ईबादुल सिद्धीकी यांनी केली आहे.

या उड्डाणपुलाचे काम आर के मदानी अँड गिरीराज एमआरआयडिसी या कंपनीतर्फे करण्यात येत असून उड्डाणपुलाचे काम कासवगतीने सुरू आहे.परिणामी या मार्गाने ये जा करणाऱ्या विद्यार्थी, नागरिकांसह रुग्णांना मोठा त्रास सहन करावा लागत आहे. बॅरीकेट तोडुन जड वाहतुकी प्रतिबंधित    क्षेत्रातुन मोठ्या प्रमाणात सुरू आहे त्यामुळे अनेकदा या मार्गावर वाहतुक कोंडी होत असून जड वाहनांच्या लांबच लांब रांगा लागत आहेत.तर या मार्गावर ठिकठिकाणी मोठमोठे खड्डे पडले असून मार्गावर चिखलाचे साम्राज्य निर्माण झाले आहे.त्यामुळे चिखलात घसरल्याने खाली पडुन अनेकदा अपघाताच्या घटना सुद्धा घडल्या आहेत.

मागील अनेक महिन्यांपासून या उड्डाणपुलाचे काम सुरू आहे.मात्र अद्यापही हे काम पूर्णत्वास गेले नाही. त्यामुळं या उड्डाणपुलाचे काम लवकरात लवकर पूर्ण करावे अशी मागणी सामाजिक कार्यकर्ते ईबादुल सिद्धीकी यांनी केली आहे.