घुग्गुस पोलिसांनी शहरातुन काढला रूटमार्च

घुग्घुस:

आगामी सण व उत्सव शांततेत पार पाडण्यासाठी घुग्गुस पोलिसांनी घुग्गुस शहरातून रुटमार्च काढला.हा रुट मार्च पोलीस स्टेशन पासून शहराच्या विविध भागातून काढण्यात आला असून गांधी चौकात समापन करण्यात आले.यावेळी पोलीस निरीक्षक आसिफराजा शेख यांच्यासह पोलीस अधिकारी व कर्मचाऱ्यांची उपस्थिती होती.

घुग्गुस शहरात गोकूळाष्टमी, पोळा, गणपती, ईद असे विविध धर्मीय सण साजरे केले जाणार आहे. त्यातच गणपती विसर्जन आणि ईद हे एकाच दिवशी येण्याची शक्यता आहे. दोन्ही सणांमध्ये मिरवणुकीचे आयोजन केले जाते.एकाच दिवशी गणपती विसर्जन आणि ईद असल्यामुळे सर्वांनी मिरवणुकीच्या वेळा पाळाव्यात तसेच नियमांचे पालन करावे.कोणतीही अनुचित घटना घडू नये यासाठी सर्वांनी एकोप्याने सण साजरे करावे असे आवाहन पोलीस निरीक्षक आसिफराजा शेख यांनी केले आहे.