दारूच्या नशेत असलेल्या दुचाकीस्वाराने दिली एसटी बसला धडक, चंद्रपूर-घुग्घुस मार्गावरील अंतुर्ला येथील घटना

घुग्घुस: 

दारूच्या नशेत असलेल्या दुचाकीस्वाराने महामंडळाच्या एसटी बसला धडक दिल्याची धक्कादायक घटना सोमवारी दुपारी उघडकीस आली आहे.ही घटना चंद्रपूर-घुग्घुस मार्गावरील अंतुर्ला येथे घडली असून दुचाकीस्वाराच्या डोक्याला गंभीर दुखापत झाली असून त्याच्यावर घुग्घुस येथील प्रथमिक आरोग्य केंद्रात उपचार सुरू आहे.राहुल पांडुरंग दुदुरे असे जखमीचे नाव असून तो मुर्सा येथील रहिवासी आहे.

मिळालेल्या माहितीनुसार राहुल दुदुरे हा आपल्या दुचाकीने घुग्घुसमध्ये जात होता.अशातच तो दारूच्या नशेत असल्यानं दुचाकीवरील नियंत्रण सुटले आणि दुचाकीने थेट महामंडळाच्या एसटी बसला धडक दिली.यात राहुल दुदुरे खाली कोसळला व त्याच्या डोक्याला गंभीर दुखापत झाली.या घटनेची माहिती घुग्घुस पोलिसांना मिळताच पोलिसांनी घटनास्थळी दाखल होऊन पंचनामा केला व आयविआरसिएल रुग्णालयात पुढील उपचार करून जखमीला घुग्घुस प्रथमिक आरोग्य केंद्रात उपचारासाठी दाखल करण्यात आले आहे.या घटनेचा पुढील तपास पोलीस करत आहेत.