*ग्रामपंचायत नोटीशनंतरही मुजोरी कायम*

*ग्रामपंचायत नोटीशनंतरही मुजोरी कायम*

✍️दिनेश झाडे

चंद्रपूर जिल्हा प्रतिनिधी

परसोडा:-RCCPLप्रायव्हेट लिमिटेड मुकुटबन यांची परसोडा येथून वाहतूक होणाऱ्या हायवा गाड्यांमुळे परसोडा गावाच्या रस्त्याचा अतिशय दयनीय अवस्था झाली असून या चार दिवसात सहा अपघात झाले आहेत. पाऊस पडल्यामुळे दुचाकीवरून प्रवास करणे अशक्य झाले असून कंपनी प्रशासन मात्र झोपेत आहे. कंपनीने टाईम स्लॉटच्या व्यतिरिक्त अतिरिक्त गाड्या चालवल्याने रोडची दयनीय अवस्था झाली असा आरोप कार्तिक गोणलावार यांनी केला असून संबंधित हायवा मालकावर कार्यवाही करण्यात यावी अशी मागणी कार्तिक गोणलावार यांनी केली आहे.

विशेष म्हणजे रोडच्या दुरावस्था झाल्यामुळे शाळकरी विद्यार्थ्यांनाही शाळेला जायला मुकावा लागत आहे याकडे तहसीलदार मात्र जाणीवपूर्वक दुर्लक्ष करत असल्याचा आरोप कार्तिक गोलावर यांनी केला असून गावातून फोन येऊ नये यासाठी तहसीलदार कोरपणा यांनी भारतीय जनता पार्टीचे कार्यकर्ते कार्तिकजी गोनलावर यांचा फोन चक्क ब्लॅक लिस्टमध्ये टाकल्यामुळे नेमकं न्याय मागायचं कुणाकडे? असा प्रश्नचिन्ह कार्तिकजीनि उपस्थित केला आहे. आणि या संबंधित तक्रार माननीय मुख्यमंत्र्यांकडे व माननीय जिल्हाधिकारी चंद्रपूर यांच्याकडे तहसीलदार कोरफळे यांची तक्रार करण्याचे ही कार्तिक जी यांनी बोलून दाखवले.

आणि कार्तिक गोलावर यांनी तालुक्यातील सर्व पक्षाच्या पदाधिकाऱ्यांना आवाहन केलेले आहे की शेतकऱ्यांना मारक ठरणाऱ्या या कंपनीच्या विरोधासाठी सर्वांनी एकजुटीने येऊन परसोडा ग्रामपंचायत वासियांची मदत केली पाहिजे कारण ग्रामपंचायतच्या सूचनेनंतर सुद्धा कंपनी आपल्या मुजोरीने कार्यभार करत असल्यामुळे लोकांना नाहक त्रास सहन करावा लागत आहे.