घुग्गुस येथील वेकोलीच्या राजीव रतन रुग्णालयात एमआरआय, सिटीस्कॅन,सोनोग्राफी मशीन उपलब्ध करून द्या,

सामाजिक कार्यकर्ते सिद्धीकी यांची मागणी

घुग्गुस येथील वेकोलीच्या राजीव रतन रुग्णालयात एमआरआय, सिटीस्कॅन,सोनोग्राफी, आयसीयू, व्हेंटिलेटर मशीन उपलब्ध करून द्या अशी मागणी सामाजिक कार्यकर्ते ईबादुल सिद्धीकी यांनी केली असून तसे निवेदन वेकोलीच्या वरिष्ठ अधिकाऱ्यांना देण्यात आले आहे.वेकोलीत कार्यरत कर्मचाऱ्यांना व त्यांच्या कुटुंबियांसाठी घुग्गुस येथे राजीव रतन रुग्णालय उभारण्यात आले.मात्र या रुग्णालयात अनेक सोयीसुविधा नसल्यानं मनस्ताप सहन करावा लागत आहे.

येथील रुग्णांना चंद्रपूर किंवा नागपूरला उपचारासाठी जाण्याशिवाय कोणताही पर्याय नाही.तसेच इमर्जन्सी रुग्णांना ये जा करण्यासाठी नाहक त्रास सहन करावा लागत असून वेळ व पैसे वाया जात आहे.शिवाय अनेकांना आपला जीव सुद्धा गमवावा लागला.करोडो रुपये खर्च करून वेकोलीने रुग्णालय उभारले मात्र येथे मशीन उपलब्ध नसल्याने रुग्णांना गैरसोय होत आहे.

त्यामुळं राजीव रतन रुग्णालयात एमआरआय, सिटीस्कॅन,सोनोग्राफी, आयसीयू, व्हेंटिलेटर मशीन उपलब्ध करून द्या अशी मागणी सामाजिक कार्यकर्ते ईबादुल सिद्धीकी यांनी केली असून तसे निवेदन वेकोलीच्या वरिष्ठ अधिकाऱ्यांना देण्यात आले.