आसाळा गावातील अल्पभूधारक शेतकऱ्याचा मुलगा झाला मुख्याधिकारी.

आसाळा गावातील अल्पभूधारक शेतकऱ्याचा मुलगा झाला मुख्याधिकारी.

बातमीदार : (भद्रावती/ वरोरा ) :  तालुका प्रतिनिधी : राजेश येसेकर.

(भारतीय वार्ता न्युज) वरोरा :  तालुक्यातील छोटेसे गाव असलेले  आसाळा या गावातील अल्पभूधारक शेतकरी श्री अजाबराव बापूराव मगरे , हे आपल्या पाच एकर शेती वर, आपल्या आई वडील यांना पालन पोषण करीत असतांना त्यांनी आपल्या दोन मुली आणी एक मुलगा यांचे शिक्षण मोठ्या काटकसरीतून केले.

मुलाला आपली परिस्थिती माहीत असताना त्यांने आपले शिक्षण गावातूनच सुरुवात केली गावात १ते ४ पर्यंत जि.प शाळा, आसाळा ,५ ते १० पर्यंत चे शिक्षण संत तुकडोजी विद्यालय टेमुर्डा,११ व १२ वी आनंद निकेतन महाविद्यालय वरोरा येथे पूर्ण केले.त्यानंतर त्यांनी शासकीय अभियांत्रिकी महाविद्यालय औरंगाबाद येथे संगणक शास्त्रात अभियांत्रिकी चे शिक्षण पूर्ण केले.

त्यानंतर स्पर्धा परीक्षेची तयारी करत असताना त्यांची महाराष्ट्र नगरपरिषद अभियांत्रिकी सेवा संवर्गातील संगणक अभियंता या पदावर जुलै २०१३ मध्ये निवड होवून फैजपूर नगरपरिषद जि .जळगाव येथे पदस्थापना मिळाली.त्यानंतर जून २०१७ ला सावदा नगरपरिषद जी जळगाव येथे प्रशासकीय बदली झाली नंतर डिसेंबर -२०१८ मध्ये गडचांदूर नगरपरिषद येथे बदली झाली.

नगरपरिषद मध्ये संगणक अभियंता नोकरीं करीत असतांना विभागीय परीक्षा देत होते. त्यांनी सन २०२१ मध्ये विभागीय परीक्षा दिली आणि गुणवत्ता च्या आधारावर निवड होवून आज महाराष्ट्रामध्ये ४४ जागा असताना ४३ व्या नंबर वर त्यांना मुख्याधिकारी,नगरपंचायत जाफराबाद येथे पदस्थापना मिळाली .