डेंगूने शहरात गृहस्थाचा मृत्यू किटकनाशक फवारणी करा : काँग्रेसचे नगरपरिषदेला निवेदन

घुग्घूस : शहरातील आंबेडकर नगर प्रभाग क्रमांक तीन येथील साठ वर्षीय नागरिकांचा चंद्रपुरातील खाजगी रुग्णालयात दिनांक 24 ऑगस्ट रोजी रात्रीच्या सुमारास दुःखद निधन झालेला आहे.

शहरात जागो - जागी सध्या पावसाचे पाणी जमा झालेला असून त्यामध्ये मोठ्या प्रमाणात डास/मच्छर निर्माण झालेले यामुळे डेंगू मलेरिया व अन्य जीवघेणे आजार बळावण्याची शक्यता निर्माण झाली असून डेंग्यूची साथ पसरण्याची शक्यता नाकारता येत नाही.

करिता शहरात फॉगिंग मशीन द्वारे कीटकनाशके फवारणी करण्याची मागणी शहर काँग्रेस तर्फे शहर अध्यक्ष राजुरेड्डी यांच्या मार्गदर्शनाखाली काँग्रेस नेते सैय्यद अनवर व पदाधिकाऱ्यांनी नगरपरिषदेच्या पाणी पुरवठा व स्वछता विभागाचे अभियंता सोनाली नागरगोजे यांना देण्यात आले.

याप्रसंगी अलीम शेख,युवा नेते अनुप भंडारी,अरविंद चहांदे,सुनील पाटील, शहजाद शेख, दीपक कांबळे,आकाश चिलका,रफिक शेख,साहिल सैय्यद, हरीश कांबळे,अंकुश सपाटे,चेतन जेऊरकर  व अन्य पदाधिकारी उपस्थित होते.