*घुटकाळा प्रभागातील जिल्हा परिषद शाळेची दैनावस्था*

*घुटकाळा प्रभागातील जिल्हा परिषद शाळेची दैनावस्था*

बातमीदार : भद्रावती तालुका प्रतिनिधी : राजेश येसेकर मो ७७५६९६३५१२.

भद्रावती : शहरातील घुटकाळा प्रभागातील जिल्हा परिषद प्राथमिक शाळेची दयनीय अवस्था झाली आहे. शाळेची स्थापना १९८० मध्ये झाली. त्यावेळी कवेलुच्या खोलीत शाळा सुरू झाली. त्यावेळी खाजगी शाळेचे वर्चस्व नसल्यामुळे शाळेतील मुलांची संख्याही बऱ्याच पैकी होती. मात्र खाजगी शाळांकडे कल वाढु लागल्याने मुलांची संख्या घटली. घुटकाळा शाळेत १२९ मुले शिक्षण घेतात  पावसाळ्यात शाळेच्या छतावरून पाणी गळुन सर्वच वर्गखोल्यामध्ये गळती लागत असल्याने विध्यार्थ्यांची गैरसोय होत आहे. मुलांच्या शौचालयाचे दरवाजे सुटलेले आहेत. स्वयंपाक खोलीचीही दैनावस्था झाली आहे. पिण्याच्या पाण्यासाठी बोअरवेलची सुविधा करण्यात आली आहे. या बोअरवेल जवळ टाके बांधण्यात आले आहे. परंतु टाक्यावरील झाकण आणि त्याभोवती बांधलेली टाकी पुर्णपणे तुटलेली आहे. मुलांना खेळण्यासाठी शाळेत क्रीडांगण तयार करण्यात आले आहे. पण शाळेला सुट्टी झाल्यावर झाडे फ्लाॅंच व इतर परीसरातील मुले खेळण्यासाठी शाळेच्या मैदानावर येतात उन्हाळ्याच्या सुट्टीत परीसरातील इतर मुलांनी शाळेची नासधूस केली आहे. शाळेच्या नळाची  तोडफोड केली. बाथरूमच्यावर लावलेल्या टाकिचा पाइप   तोडला आहे. इतर मुले क्रिकेट खेळतात येथे विटा रचुन त्याचे स्टम तयार करतात खेळल्यानंतर त्या विटा जमिनीवर पसरवून ठेवतात. त्यामुळे शाळेत येणाऱ्या मुलांना गैरसोयीचा सामना करावा लागत आहे.