कु. सुषमा बावणे हिला प्रा. धनराज आस्वले यांनी दिला मदतीचा एक हात

कु. सुषमा बावणे हिला  प्रा. धनराज आस्वले यांनी दिला मदतीचा एक हात.

बातमीदार : भद्रावती तालुका प्रतिनिधी : राजेश येसेकर मो. ७७५६९६३५१२

भद्रावती : कु. सुषमा बावणे ही  विवेकानंद महाविद्यालयाची विद्यार्थिनी. तिला उच्च शिक्षण घ्यायचे होते. परंतु घरची आर्थिक परिस्थिती बिकट असल्याने तिला ती महागडी फी भरणे शक्य नव्हते. तिच्यातील शिक्षण घेण्याची इच्छाशक्ती भद्रावती येथील दातृत्वशील व्यक्तिमत्व म्हणून ज्ञात असलेले प्रा. धनराज आस्वले यांच्या लक्षात आली.तिच्या मदतीला धावून आले. त्यांनी तिला  उच्च शिक्षण घेण्यासाठी  आर्थिक मदत केली. ज्यामुळे तिला एम.ए. (अर्थशास्त्र) या विषयात प्रवेश घेता आला.असे प्रसंग अपवादाने अनुभवायला मिळतात. अच्छे दिन चा दावा करणाऱ्या विद्यमान परिस्थितीत गरिबाला उच्च शिक्षण घेणं कठीण झाल आहे. उच्च शिक्षणासाठी प्रवेश घेताना मोठ्या प्रमाणात आकारलेली फी यामुळे गरिबांच्या मुलांना उच्च शिक्षण घेणं स्वप्नवत झालेल आहे. कारण सगळ्याच होतकरू विद्यार्थ्यांच्या आयुष्यात आस्वले सरांसारखे दातृत्वशील व्यक्तिमत्व  पुढे येतील असे नाही.