एक नवजात अर्भक मृतावस्थेत एच डी एफ सी बॅंक समोरील दुभाजकावर आढळले.

एक नवजात अर्भक मृतावस्थेत एच डी एफ सी बॅंक समोरील दुभाजकावर आढळले.

बातमीदार : भद्रावती तालुका प्रतिनिधी : राजेश येसेकर मो. ७७५६९६३५१२

भद्रावती :- शहरातील एच डी एफ सी बॅंक समोरील जंगल नाका परिसरात मुख्य रस्त्यावरील दुभाजकावर आज दि.२२ऑगस्ट रोजी सकाळी १०.३० वाजताच्या दरम्यान एक नवजात मुलाचा अर्भक मृतावस्थेत आढळून आल्याने शहरात खळबळ उडाल्याने भद्रावती शहरात वेगवेगळ्या प्रकारच्या तर्कवितर्क करत  चर्चेचा  विषय झाले आहे.मृत अर्भक हे पुरुष जातीचा आहे.

            सदर या घटनेची माहिती भद्रावती पोलिसांना कळताच त्यांनी घटनास्थळी दाखल होऊन आवश्यक ती कारवाई करीत पंचनामा केला. व मृत अर्भकाला पुढील तपासणीसाठी ग्रामीण रुग्णालयात पाठविले.

     याबाबत सविस्तर माहिती अशी की एक नवजात मुलांचे अर्भक एका कुत्र्याने  तोंडात पकडून आणले होते. नागरिकांच्या ही बाब लक्षात आल्यानंतर त्यांनी आरडाओरड केला. असता कुत्र्याने हे अर्भक तेथेच टाकून पळ काढला. यापूर्वीही शहरात नवजात अर्भक आढळल्याच्या दोन घटना घडल्या होत्या. चंडिका मंदिरजवळ एक जिवंत नवजात अर्भक सापडले होते. त्यानंतर नगरपालिकेच्या घंटा गाडीमध्ये एक मृत अर्भक आढळले होते. सदर घटनेचा पुढील तपास भद्रावती पोलीस करीत आहेत.

-