लॉयड्स कंपनीत प्लॅटफॉर्म कोसळून भीषण अपघात

एक मजूर गंभीर तर दोन घायाळ

घुग्घूस : कधी काळी संपूर्ण जिल्ह्यात आपल्या प्रदूर्षणाला व अपघाताला घेऊन सर्वदूर प्रसिद्ध असलेली लॉयडस कंपनी परत  एकदा भीषण अपघातामुळे चर्चेत आली आहे.

कंपनीचा सुरक्षेला घेऊन असलेला बेजावबदारपणा परत एकदा समोर आलेला आहे.

आज दुपारी साडे बारा वाजताच्या सुमारास कंपनीतील किलन नंबर चार जवळ  प्लॅटफॉर्मचे कार्य करीत असतांना

सदर प्लॅटफॉर्म कोसळला यामध्ये  पिंटू गोविंद भगत रा.भद्रावती वय 35 वर्ष यांचे दोन्ही हात फ्रॅक्चर झाले असून डोक्याला गंभीर दुखापत झाली प्रमोद सिंग रा.घुग्घुस याला गंभीर दुखापतीमुळे डॉ. पूट्टेवार यांच्या खाजगी रुग्णालयात अति दक्षता विभाग (ICU) मध्ये दाखल करण्यात आले.

तसेच फिरोज शेख वय 40 वर्ष रा. घुग्घुस याला किरकोळ इजा झाली आहे.

शहरात घटनेची माहिती होताच दहशतीचे वातावरण पसरले तसेच कामगारांच्या कुटुंबियां मध्ये चिंतेचे वातावरण निर्माण झाले.

सर्व कामगारांना चंद्रपूर येथील खाजगी रुग्णालयात दाखल करण्यात आले.

सदर घटनेची माहिती सांयकाळी सहा वाजताच्या जवळपास मुख्य सुरक्षा अधिकारी यांनी घुग्घुस पोलीस स्टेशनला दिली.

घटने नंतर इतक्या उशिरा पोलिसांना माहिती व तक्रार देण्याचे कारण काय ?

लॉयड्स मेटल्स कंपनीची गचाळ सुरक्षा व्यवस्था अजून किती कामगारांचे जीव घेतील ?

असे अनेक प्रश्न सध्या निर्माण होत आहे.

घटनेची माहिती कुणालाही होऊ नये याची दखल कंपनीने घेतली व कामगारांना अत्यंत सावधगिरीने चंद्रपूर येथे दाखल केले कंपनीची ढिसाळ सुरक्षा व्यवस्था परत एकदा चव्हाट्यावर   आली आहे.