वन्यप्राण्यांची शिकार करणाऱ्या दोन आरोपींना अटक वरोरा वनविभागाची मोठी कारवाई

वन्यप्राण्यांची शिकार करणाऱ्या दोन आरोपींना अटक

वरोरा वनविभागाची मोठी कारवाई

बातमीदार : भद्रावती /वरोरा तालुका प्रतिनिधी : राजेश येसेकर मो. ७७५६९६३६१२

भद्रावती/वरोरा : काल दिनांक १५ ऑगस्ट २०२३ रोजी रात्रौ ०९ वाजताचे दरम्यान वनपरिक्षेत्र अधिकारी वरोरा व वनकर्मचारी गस्तीवर असतांना मौजा उखर्डा सर्व्हे क्र.२८ झुडपी जंगलामध्ये नामे विनोद किसन राऊत वय ३१ वर्षे व विनोद विनायक पवार वय ३० वर्षे दोन्ही रा. उमरविहीर पो. मुसाळा, ता. राळेगाव, जि.यवतमाळ हे संशयास्पद स्थितीत आढळून आले. त्यांची चौकशी केली असता त्यांचे कडून एक जिवंत ससा(मादी) बजाज सि. टी. १०० मोटरसायकल व वन्यप्राण्याचे शिकारी करीता लागणारे साहित्य जप्त करण्यात आले. त्याचेवर प्रा.अ. सु. क्र. ०९१८०/२२९४८० दिनांक १५/०८/२०२३ भारतीय वन्यजीव ( संरक्षण ) अधिनियम १९७२ चे कलम ९,५१ अन्वये गुन्हा नोंदविण्यात आला. पुढील चौकशी प्रशांत खाडे विभागीय वनअधिकारी चंद्रपूर व आदेशकुमार शेंडगे सहाय्यक वनसंरक्षक ( तेंदू ), चंद्रपूर वनविभाग, चंद्रपूर यांचे मार्गदर्शनात सतिश किसन शेंडे, वनपरिक्षेत्र अधिकारी वरोरा, दिवाकर चांभारे टेमुर्डा, जितेंद्र लोणकर शेगाव, संजय खोब्रागडे वरोरा, गौरव केजकर वनरक्षक, संतोष वेदांती वनरक्षक, अमोल तिखट वनरक्षक व अमोल नेवारे वनरक्षक आजनगाव करीत आहे.