*नगर परिशद राजुराच्या वतीने विविध कार्यक्रमांचे आयोजन* *आ. सुभाष धोटेंच्या हस्ते माजी सैनिकांचा सत्कार*

*नगर परिषद राजुराच्या वतीने विविध कार्यक्रमांचे आयोजन*

आ. सुभाष धोटेंच्या हस्ते माजी सैनिकांचा सत्कार

✍️दिनेश झाडे

चंद्रपूर जिल्हा प्रतिनिधी

राजुरा:-नगर परिषद राजुरा च्या वतीने आयोजित आझादी का अमृत महोत्सव सांगता कार्यक्रम अंतर्गत माझी माती माझा देश या उपक्रमांतर्गत देशाच्या मातीला नमन, विरांना वंदन, स्वातंत्र्याचा अमृत महोत्सव समारंभ दि. १४ ऑगस्ट  रोजी न. प. कार्यालय परिसर, भारत चौक पार्क, डॉ. झाकीर हुसैन शाळा गढी वार्ड, राजुरा येथे संपन्न झाला. या प्रसंगी श्रीमती सुनंदा माळवनकर यांच्या हस्ते ध्वजारोहण, माजी सैनिक गुरूदास पोकलवार यांच्या हस्ते वृक्षारोपण, माजी सैनिक शंकर मेगरे यांच्या हस्ते शिलाफलकाचे अनावरण आणि आमदार सुभाष धोटे यांच्या हस्ते सर्व माजी सैनिकांचे सत्कार करण्यात आले.

     या प्रसंगी राष्ट्रपती पुरस्कार सन्मानित, माजी सैनिक श्री. दयाराम माळवनकर (मय्यत), यांच्या पत्नी श्रीमती सुनंदा दयाराम माळवनकर,

महाराष्ट्र राज्य पुरस्कार प्राप्त व इंडोपाक वार १९७१ मध्ये सहभाग माजी सैनिक श्री. भाऊराव के. भोयर, माजी सैनिक बेस्ट कॅडेट पुरस्कार प्राप्त श्री. गुरुदास पोकलवार, राष्ट्रपती पुरस्कार शौर्यपदक सन्मानित माजी सैनिक श्री. शंकर गणपती मेंगरे आदि मान्यवरांचा आ. धोटे यांच्या हस्ते सत्कार करण्यात आला.

        या प्रसंगी माजी उपनगराध्यक्ष सुनिल देशपांडे, माजी नगरसेविका उज्वला जयपूरकर, मुख्याधिकारी डॉ. सुरज जाधव, जगताप मॅडम, माजी सैनिक, त्यांचे कुटुंबीय यासह अनेक मान्यवर उपस्थित होते. कार्यक्रमाचे प्रास्ताविक न प राजुरा चे मुख्याधिकारी तथा प्रशासक डॉ. सुरज जाधव यांनी केले. सुत्रसंचालन प्रशासकीय अधिकारी विजयकुमार जांभुळकर यांनी केले तर केंद्र प्रमुख बंडू ताजने यांनी मानले. कार्यक्रम यशस्वी करण्यासाठी विद्युत अभियंता आदित्य खापणे, पाणी पुरवठा अभियंता सुमेध खापर्डे, लिपिक संजय जोशी, करनिरिक्षक उपेंद्र धामणगे, सुरेखा पटेल, प्रांजली सरपटवार, अभियंता प्रीतम खडसे इत्यादींचे सहकार्य लाभले.