*दालमिया सिमेंट कंपनीमधील बेल्ट ला भीषण आग* *दालमिया सिमेंट कंपनी*

*दालमिया सिमेंट कंपनीमधील बेल्ट ला भीषण आग*

*दालमिया सिमेंट कंपनी*

✍️दिनेश झाडे

चंद्रपूर जिल्हा प्रतिनिधी

नारंडा:-कोरपना तालुक्यातील दालमिया सिमेंट कारखान्याला आज सकाळी पहाटेच्या सुमारास कंपनीच्या प्रोसेस डिपार्टमेंट अंतर्गत चालवल्या जाणाऱ्या क्लींकर बेल्टला अचानक आग लागल्याने सदर कंपनीचे बीसी वन ते फाईव्ह पर्यंतचे संपूर्ण बेल्ट जळून खाक झाले ज्यामध्ये कंपनीचे अंदाजे दहा ते बारा करोड रुपयाचे नुकसान झाल्याचे बोलले जात आहे.आगीच्या ज्वाला आजूबाजूच्या परिसरामध्ये पसरायला लागल्याचे समजताच अंबुजा सिमेंट,उपरवाही व माणिकगड अल्ट्राटेक सिमेंट गडचांदूर येथील अग्निशामक दलाच्या गाड्या घटनास्थळी दाखल होऊन आग विझविण्यात आली. प्रोसेस डिपार्टमेंटच्या गलथान कारभारामुळे सदरची आग लागल्याचे कामगारात दबक्या आवाजात चर्चा आहे.

या कपंनीत काम करीत असलेल्या कंत्राटी कामगारांना कोणत्याही प्रकारची सुरक्षा पुरविण्यात आली नसल्याने छोटे मोठे अपघात होऊन कामगारांना जीवाला मुकावे लागत आहे.!

आज पहाटे लागलेल्या आगीमुळे कारखान्याचे उत्पादन ठप्प होऊन कंपनी व्यवस्थापनाला करोडो रुपयाचा फटका बसल्याचे समजते आहे.तरी जिल्हा पोलीस विभागाच्या वतीने सखोल चौकशी करण्यात यावी अशी मागणी आता कामगारांमध्ये जोर धरत आहे"