घुग्घुस येथे गोवंशाची तस्करी करणाऱ्या दोन आरोपिंना अटक

तीन लाख वीस हजारांचा मुद्देमाल जप्त

घुग्घुस येथे गोवंशाची तस्करी करणाऱ्या दोन आरोपिंना गुरुवार,  १० ऑगस्ट रोजी पोलिसांनी अटक केली आहे.

आरोपी मोहम्मद फिरोज मोहम्मद शब्बीर कुरेशी (३१ )रा. वार्ड क्रमांक २, घुग्घुस) व सुनील नामदेव कोडापे (३१ ) रा. म्हातारदेवी अशी अटकेतील आरोपिंची नावे आहेत.

मारुती सुझूकी कंपनीची कॅरी पिकअप क्रमांक एमएच ३४ बीजी ६८३३ मध्ये एक नग गाय, एक नग गोरा, एक नग म्हशीचे रेडकू दोन इसम आपले चारचाकी वाहना मध्ये अवैध रित्या जनावरे वाहतूक करीत असल्याची गुप्त माहिती पोलिसांना मिळताच बेलोरा पॉईंट येथे नाकाबंदी करून वाहनाची झडती घेतली असता ३ जनावरे मिळून आल्याने कलम ११ (१)(ड), ५ (अ)(१), ५ (ब), ११ प्राण्यांचा छळ प्रतिबंधक अधिनियम, १९६० अन्वये गुन्हा नोद करून आरोपिंना अटक करण्यात आली आले.

वाहन किंमत तीन लाख रुपये व जनावरांची किंमत वीस हजार रुपये असा एकूण तीन लाख वीस हजारांचा मुद्देमाल जप्त करण्यात आला आहे. तीन जनावरे प्यार फाउंडेशन दाताळा यांचे ताब्यात देण्यात आले.

ही कारवाई ठाणेदार आसिफराजा शेख यांच्या मार्गदर्शनात सहा. पो. नि. प्रशांत साखरे, रंजित भुरसे, सचिन वासाडे, विजय ढपकस, विनोद लोखंडे, खुशाल रंगारी यांनी केली आहे.