वेकोलीच्या एम.एस.एफ.जवानांनी घरातून जप्त केला मोठ्या प्रमाणात चोरीचा कोळसा,

घुग्घुस न्यु रेल्वे सायडिंग येथील घटना

घुग्घुस:

चंद्रपूर जिल्ह्यात कोळशाची काळाबाजारी सुरूच असून घुग्घुस शहरातील लोखंडी पुलाजवळ असलेल्या एका घरातून मोठ्या प्रमाणात चोरीचा कोळसा वेकोलीच्या एमएसएफ जवानांनी जप्त केला आहे.

मिळालेल्या माहितीनुसार वेकोलीचे सुरक्षा रक्षक घुग्घुस रेल्वे सायडिंग परिसरात पेट्रोलिंग करत होते.दरम्यान सीसीटीव्ही कॅमेरे तपासणी केली असता लोखंडी पुलाजवळ चोरीचा कोळसा लपवून ठेवल्याचे निष्पन्न झाले.त्यानंतर एमएसएफ जवानांनी त्या घरात धाड टाकली असता मोठ्या प्रमाणात चोरीचा कोळसा आढळून आला.या प्रकरणी घुग्घुस पोलिसात तक्रार दाखल करण्यात येणार असल्याचे वेकोलीच्या सुरक्षा रक्षकांनी म्हटले आहे.

ही कारवाई एमएसएफ जवान रहीम शेख, सदाशिव केंद्रे, सुरेश चव्हाण, वेकोली इंचार्ज तिरुपती गिडे, दीपक अहिरवार आदींनी केली आहे.