घुग्गुस नगरपरिषदेत राबविण्यात आला मेरी मिट्टी मेरा देश उपक्रम, मुख्याधिकारी, पोलीस निरीक्षकांसह अनेकांची उपस्थिती

घुग्घुस:

बुधवारी 9 ऑगस्टला सर्व शासकीय कार्यालयात पंचप्रण शपथचे आयोजन करण्यात आले होते.त्यानुसार घुग्गुस नगरपरिषदेत मेरी मिट्टी मेरा देश उपक्रम राबविण्यात आला. यावेळी या कार्यक्रमात मुख्याधिकारी जितेंद्र गादेवार, पोलीस निरीक्षक आसिफराजा शेख, वैद्यकीय महिला अधिकारी उंदिरवाडे, सहायक पोलीस निरीक्षक साखरे, सुनील आमटे यांच्यासह अनेकांची उपस्थिती होती.

आझादी का अमृत महोत्सव कार्यक्रमाच्या धर्तीवर शासनाने विविध कार्यक्रम हाती घेतले आहे. त्यानुसार संपूर्ण राज्यात मेरी मिट्टी मेरा देश (मिट्टी को नमन विरों को वंदन) अभियान राबविण्याच्या सुचना देण्यात आल्या आहेत. या अंतर्गत ऑगस्ट क्रांती दिनी म्हणजे 9 ऑगस्ट ला सकाळी 10 वाजता सर्व शासकीय कार्यालयात 'पंचप्रण शपथ' चे आयोजन करण्यात आले.

भारताला विकसित देश बनवायचे आहे तसेच 2047 पर्यंत भारताला विकसित देश बनवण्याचं स्वप्न साकार करायचं आहे. गुलामगिरीची मानसिकता मुळापासून उखडून टाकायची आहे.देशाच्या समृध्द वारशाचा अभिमान बाळगायचा आहे.एकता आणि एकजुटता यासाठी कर्तव्यदक्ष राहायचं आहे.नागरिकाचे कर्तव्य बजावयाचे आहे, तसेच देशाचे रक्षण करणाऱ्यांचा आदर ठेवायचा आहे. अशी शपथ उपस्थितांनी घेतली. यावेळी उपस्थित अधिकाऱ्यांनी मार्गदर्शन केले.