विवादीत एच.आर.जी. ट्रान्सपोर्ट कंपनीच्या चालत्या ट्रकमधील कोळशाला लागली आग,

सुदैवाने मोठी जीवितहानी टळली

घुग्घुस :   वेकोली कोळसा खदानीत सुरक्षा तसेच नियमाच्या दुर्लक्षतेमुळे विवादीत असलेल्या एच आर जी कंपनीच्या चालत्या ट्रकमधील कोळशाला धूआं निघून आग लागल्याची शक्यताला नाकारता येत नाही,घटना सोमवारी सकाळी उघडकीस आली असून सुदैवाने मोठी जीवितहानी टळली आहे.मात्र याकडे ट्रक चालक व कंपनी व्यवस्थापनाचे अक्षम्य दुर्लक्ष होत असून एखाद्याचा जीव जाणार तेव्हा कंपनी जागे होणार का? असा प्रश्न यानिमित्ताने उपस्थित होते आहे.

  पैनगंगा,मुंगोली कोळसा खाणीतून दिवसरात्र एचआरजी कंपनीकडून कोळशाची जड वाहतूक सुरू आहे.विना ताळपोलिन, अधिकचा कोळसा भरून ही वाहतूक सुरू असून याकडे मात्र वेकोली व वाहतूक विभागाचे जाणीवपूर्वक दुर्लक्ष होत आहे.मात्र मुजोर व विवादीत असलेल्या एचआरजी कंपनीची मनमानी सुरूच असून प्रशासनाचे नियम धाब्यावर बसवून हा सर्व गोरखधंदा सुरू असून अर्थपूर्ण संबंध असल्याने अधिकारी सुद्धा कारवाई करण्याकडे दुर्लक्ष करताना दिसून येत आहेत.

अशातच आज सोमवारी सकाळी मुंगोली कोळसा खाणीतून कोळसा भरून एचआरजी कंपनीचा ट्रक घुग्घुस येथील न्यू रेल्वे सायडिंग व ओल्ड रेल्वे सायडिंगकडे निघाला.अशातच कोळसा भरून निघालेल्या ट्रकमधून कोळशाला आग लागली(RJ 23 TR 4415) व हा ट्रक तसाच पुढे गेला.यात मात्र सुदैवानं मोठी जीवितहानी टळली असून एचआरजी कंपनीवर कारवाईची मागणी करण्यात येत आहे.