आयुध निर्मिती चांदा डि एस सी वसाहतमध्ये पुन्हा वाघोबाचे आगमन.

आयुध निर्मिती चांदा डि एस सी वसाहतमध्ये पुन्हा वाघोबाचे आगमन.

बातमीदार : भद्रावती तालुका प्रतिनिधी : राजेश येसेकर मो. ७७५६९६३५१२

भद्रावती : मागील चार महिन्यापुर्वी तिन ते चार वाघ पिंजऱ्यात जेरबंद करून दुसऱ्या ठिकाणी सोडले असता या परिसरातील लोकांच्या मनात आनंदाने वातावरण निर्माण झाले असता पुन्हा काल शनिवारी आयुध निर्माणी डी एस सी वसाहतीमध्ये सकाळी ५ वाजताच्या दरम्यान वसाहतीच्या जवळील एका झाडाच्या फांदीवर बिबट्याने वासराची शिकार करून लटकल्याचे दिसल्यामुळे पुन्हा येथील लोकांच्या मनात दहशतीचे वातावरण निर्माण झाले आहे.

काल शनिवारी सकाळी ५ वाजताच्या दरम्यान रोडच्या बाजूला एक गाय व वासरु चरत असताना बिबट्या वाघाने वासराची शिकार करून

झुडपाच्या दिशेने घेऊन जात असताना रोडवर गाडीने ये-जा चालू असल्याने बिबट्याने वासराची शिकार घेऊन  झुडपाच्या दिशेने धावघेत  असताना  एका झाडावर उडी मारली असता  ती शिकार त्या झाडाच्या दोन फांदीच्या मध्येच अडकल्याने त्यांना  वासराला खाण्यासाठी अडचण झाल्याने बिबट्या तेथेच फिरत असल्याचे काल सकाळी येत-जात असलेल्या अनेक लोकांनी पाहिले होते. या घटनेची माहिती भद्रावती येथील वनविभागाला माहिती दिली असता वनविभागाची चमु घटनास्थळी पोहोचले व तिथेच दिवसभर कॅमेरा लावून याची पाळत ठेवली होती पण या वाघाला पकडण्यास अपयश आले.