वरोरा शहरात सेक्स रॅकेट उघड एका अल्पवयीन मुलीसह दहा जण ताब्यात

वरोरा शहरात सेक्स रॅकेट उघड

एका अल्पवयीन मुलीसह दहा जण ताब्यात

बातमीदार : वरोरा तालुका प्रतिनिधी : राजेश येसेकर

वरोरा :  येथील पोलीस एका बेपत्ता व्यक्तीचा तपास करताना पोलीसांना एक अल्पवयीन मुलगी संशयास्पद रीतीने शुक्रवारला वावरतांना आढळली. तिला ताब्यात घेतले असता पोलीसांना वरोरा शहरात देह व्यापार चालत असल्याची माहिती मिळाली पोलीसांनी तातडीने तपास चक्रे फिरवून यांचा भांडाफोड केला.

याबाबत सविस्तर माहिती अशी की शुक्रवारला सायंकाळच्या सुमारास एक अल्पवयीन मुलगी शहरात संशयास्पदरीत्या वावरतांना आडळली पोलीसांनी तिला ताब्यात घेऊन तिची अधिक चौकशी केली असता तिला एका व्यक्तीने ग्राहकाला भेटण्याकरीता पाठविल्याचे तिने सांगितले. पोलीसांनी लगेच सुत्रे हलवली आणि तिच्याकडून व्यवसाय करुन घेणाऱ्या एका २२वर्षीय महिलेला तसेच यातील एका दलालांनाही पोलीसांनी ताब्यात घेताच त्यांनी ग्राहकांची नावे सांगितले. यावरून पोलीसांनी ९व्यक्तिंना अटक केली असून यातील एक ग्राहक हा बलात्काराच्या आरोपाखाली जेलमध्ये आहे.

    या प्रकरणात उपविभागीय पोलिस अधिकारी आयुष नोपानी यांनी पत्रकार परिषदेत माहिती देतांना सांगितले की यातील सर्व ग्राहक आणि  आरोपींचा पंचनामा सुरू असून त्यांच्यावर बलात्कार, बाल अत्याचार प्रतिबंधक कायदा आणि पिटा अंतर्गत गुन्हे दाखल केले आहेत. यात एका घटनेमध्ये त्या अल्पवयीन मुलीवर सामुहिक अत्याचार झाल्याची हि बाब समोर आली आहे. पोलिसांनी अल्पवयीन मुलीची  रवानगी बाल सुधार गृहात केली असून यातील आरोपी महिला एजन्ट आणि ग्राहकांची चौकशी करण्याकरीता आठ अधिकाऱ्यांची विशेष चौकशी समिती स्थापन करण्यात आल्याचे उपविभागीय अधिकारी आयुष नोपानी यांनी सांगितले. शहरातील काही पाॅश भागात सुध्दा देह व्यापार चालतो अशी चर्चा शहरात आहे.