सावधान : डोळे आले रे काळजी घ्या... डोळे येण्यापूर्वी उपाय करा सुरू! उगाच त्रासाने हाल नका करु!!

सावधान : डोळे आले रे काळजी घ्या...

डोळे येण्यापूर्वी उपाय करा सुरू! उगाच त्रासाने हाल नका करु!!

रीपोर्टर : भद्रावती तालुका प्रतिनिधी : राजेश येसेकर मो. ७७५६९६३५१२.

भद्रावती : सध्या वातावरणातील बदलामुळे डोळे येण्याची (कंजंक्टिव्हायटिस) अनेक भागात डोळ्यांच्या साथीने डोके वर काढले आहे. त्याचा प्रसार झपाट्याने होत. सर्व वयोगटातील व्यक्ती प्रामुख्याने शाळेतील मुले या आजाराने त्रस्त आहेत.सध्या पावसाचे दिवस सुरू असून वातावरणात बराच बदल झाला आहे. त्यामुळे डोळे येण्याची साथ वाढत आहे. डोळे येणे म्हणजे काय? डोळे येणे हा एक डोळ्यांचा संसर्गजन्य आजार आहे. यामध्ये डोळ्यातून चिकट द्रव येऊन डोळे लाल होतात. है आजार संसर्गजन्य असल्यामुळे पटापट एका व्यक्तीकडून दुसऱ्या व्यक्तीकडे पसरतो. डोळे आलेल्या व्यक्तीने स्वतःच्या डोळ्यांना स्पर्श करून तसेच त्या हाताने दुसऱ्या वस्तूंना स्पर्श केला असता आणि दुसऱ्या व्यक्तीने त्या वस्तुला स्पर्श करून तसाच हात डोळ्यांना लावल्यास हा आजार त्या दुसऱ्या व्यक्तीला होतो. उदाहरणार्थ डोळे आलेल्या व्यक्तीचा रुमाल, पेन, टॉवेल चष्मा गॉगल्स ईत्यादी वस्तू वापरल्यास हा आजार झपाट्याने बळवतो.हा आजार बिलकुल गंभीर नाही. परंतु योग्य काळजी न घेतल्यास किंवा दुर्लक्ष केल्यास तसेच औषधोपचार न घेतल्यास या आजाराचे उपद्रव निर्माण होतात व हा आजार गंभीर स्वरुपात निर्माण होते. यथायोग्य उपचार घेतल्यास हा आजार साधारणतः तीन ते सात  दिवसांमध्ये पुर्ण बरा होतो.

*लक्षणे*

(१) डोळ्यात सतत काहीतरी  गेल्याची भावना होणे. (२) डोळ्यातून पाणी व घाण येणे. (३) डोळे लाल होणे. (४) डोळ्यातून पाणी किंवा 'पस सद्दश  घाण बाहेर येऊन पापण्या चिकटतात. (५) डोळ्यांच्या आतल्या कोपऱ्यांना आणि पापण्यांच्या आतील भागांस सुज येणे. (६) डोळ्यांना खाज येणे डोळे जड वाटने (७) अंधूक दिसने तिव्र प्रकाशाचा त्रास होने.

*डोळे आलेल्या रुग्णांनी कोणती काळजी घ्यावी?*

(१) डोळा आल्याची लक्षात आल्यास सर्वप्रथम शक्य झाल्यास स्वतःला आयसोलेट करावे. (२) डोळ्यांना स्पर्श करू नये डोळे चोळु नये. (३) डोळे पुसण्यासाठी टिशू पेपरचा वापर करावा. (४) वैद्यकीय सल्ल्यानेच उपचार सुरू करावेत. स्वत:च्या मर्जीने मेडिकलमधील ड्रॉप सुरू करु नयेत. (५) हलका ताजा आहार घ्यावा. (६) वारंवार हात धुवत राहणे. (७) आपल्या वस्तू दुसऱ्यांना देऊ नका. (८) लहान मुलांमध्ये या आजाराचे प्रमाण जास्त असल्याने डोळे आलेल्या मुलांना शाळेत पाठवु नये. (९) वाटित गरम पाणी घेऊन त्यात कापसाचा बोळा भिजवून त्याने डोळ्यांच्या पापण्यांना बाहेरुन हलकासा शेक घ्यावा. (१०) प्रखर प्रकारापासून संरक्षण होण्यासाठी काळा गाॅगल वापरावा याप्रकारे योग्य काळजी घेतल्यास या डोळ्यांच्या समस्येवर मात करु शकतो.