वेकोलीकडून रुग्णवाहिकेचा सर्रासपणे दुरुपयोग?

रुग्णालय, कोळसा खाण सोडून रस्त्यात उभ्यात राहतात रुग्णवाहिका

रुग्णवाहिकेचा वापर हा रुग्णांसाठी व अत्यावश्यक सेवेसाठी केला जातो.मात्र वेकोलीच्या मुंगोली कोळसा खाणीतील रुग्णवाहिकेचा सर्रास दुरुपयोग केला जात असून रुग्णालय व कोळसा खाण परिसरात रुग्णवाहिका उभ्या राहत नसून मुंगोली मार्गावर तर कधी अधिकाऱ्यांच्या तर कधी एमएसएफ जवान तर कधी चक्क भाजीपाला व इतर समान आणण्यासाठी या रुग्णवाहिकेचा क्रमांक MH34.bg.8390- HR.69.E.5828 उपयोग केला जात असल्याचा धक्कादायक प्रकार उघडकीस आला आहे.मात्र रुग्णालयात रुग्णांना ने आन करण्यासाठी किंवा कोळसा खाण परिसरात एखादी अनुचित घटना घडल्यास रुग्णांना कोळसा वाहतूक करणाऱ्या ट्रकने नेणार का? असा संतप्त सवाल उपस्थित करण्यात येत आहे.

मुंगोली कोळसा खाणीसह परिसरातील कोळसा खाणीतील कर्मचारी व रुग्णालयात रुग्णांच्या सेवेसाठी वेकोलीतर्फे रुग्णवाहिका देण्यात आली.मात्र याच रुग्णवाहिकेचा सर्रासपणे दुरुपयोग केला जात असून मुंगोली मार्ग व इतर ठिकानी या रुग्णवाहिका उभ्या दिसतात.तर या रुग्णवाहिकेतुन कधी एमएसएफ जवान, तर कधी भाजीपाला, व इतर खासगी काम केले जात आहेत.मात्र एखाद्याचा जीव जात असेल आणि रुग्णवाहिकेचा पत्ताच नसेल तर काय करायचे असा प्रश्न उपस्थित होत आहे.याकडे मात्र वेकोलीच्या वरिष्ठ अधिकाऱ्यांचे जाणीवपूर्वक दुर्लक्ष होत असून वेकोली अंतर्गत चालणाऱ्या रुग्णवाहिका कर्मचारी व कंत्रातदारांवर कारवाई करावी अशी मागणी नागरिकांतर्फे केली जात आहे.