आष्टी (काकडे) परिसरात पट्टेदार वाघिणीचा मृत्यू

आष्टी (काकडे) परिसरात पट्टेदार वाघिणीचा मृत्यू

रीपोर्टर : भद्रावती तालुका प्रतिनिधी : राजेश येसेकर मो. ७७५६९६३५१२.

भद्रावती : तालुक्यातील आष्टी (काकडे) गावातील गावशिवरात एका पट्टेदार वाघिणीचा मृत्यू झाल्याची घटना दिनांक ३१ रोज सोमवारला सकाळी उघडकीस आली. सदर वाघीण ही अंदाजे चार ते पाच वर्षाची असावी असा निष्कर्ष आहे. विजेच्या स्पर्शाने या वाघिणीचा मृत्यू झाला असावा असा संशय व्यक्त होत असला तरी याबाबत अधिकृत माहिती शवाविच्छेदन अहवाल प्राप्त झाल्यानंतरच मिळेल.

सकाळी काही गावकऱ्यांना ही वाघीण मृत्युमुखी पडलेली दिसल्यानंतर याची माहिती वनविभागाला देण्यात आली. त्यानंतर भद्रावती वनविभागाच्या चमूने घटनास्थळी जाऊन घटनेचा पंचनामा केला. व वाघिणीचा मृतदेह चंद्रपूर येथे शवविच्छेदनासाठी पाठविण्यात आला. या घटनेचा पुढील तपास भद्रावती वनविभाग करीत आहे.मागील आठवड्यात  जिल्ह्यातील मुल तालुक्यातील एका शेतशिवारात वाघिणीने म्हौसींच्या कळपात झळप घालून शिकार करताच म्हौसींच्या कळपाने वाघीणीवर हल्ला चढवून वाघीणीला ठार केले होते.या आठवड्यात जिल्ह्यात जवळपास तीन वाघांचा मृत्यू  झाल्याची माहिती आहे.