भद्रावती पोलिसांची मोठी कारवाई 11 मोटरसायकली चोरणाऱ्यांना ठोकल्या बेड्या.

भद्रावती पोलिसांची मोठी कारवाई 11 मोटरसायकली चोरणाऱ्यांना ठोकल्या बेड्या.

रीपोर्टर : भद्रावती तालुका प्रतिनिधी : राजेश येसेकर

मो. ७७५६९६३५१३

भद्रावती : तिन दिवसापूर्वीच भद्रावती पोलिसांनी २६ अवैध धंदेवायीकांवर मोठी कारवाई करुन  अवैध धंदेवाईकांचे धाबे दणांनले असताच आज भद्रावती पोलिसांनी विविध गुन्ह्यात, यवतमाळ व चंद्रपूर जिल्ह्यातून ११ मोटरसायकली चोरणाऱ्या भद्रावती शहरातील हनुमान नगर येथील आरोपी गणेश प्रल्हाद आडे, वय ३२ वर्षे याला बेड्या ठोकण्यात भद्रावती पोलिसांना यश प्राप्त झाले आहे.

     सदर या मोटार सायकल चोरट्यांचा सुगावा लागताच  भद्रावती पोलिसांनी शहरातील हनुमान नगर येथे कारवाई करुन ११ मोटरसायकली आरोपींकडून  जप्त करण्यात आल्या असून आरोपीला अटक केली आहे.जप्त केलेल्या या मोटरसायकलींची किंमत चार लक्ष २५ हजार रुपये एवढी आहे.

एका मोटरसायकल चोरीची गुप्त माहिती भद्रावती पोलिसांना मिळाल्यानंतर त्यांनी सापळा रचून हनुमान नगर येथील गणेश प्रल्हाद आडे याला ताब्यात घेऊन त्याला विचारपूस केली असता विविध गुन्ह्यात त्याने चंद्रपूर व यवतमाळ जिल्ह्यातील ११ मोटरसायकली चोरल्याची कबुली दिली. यात हिरो होंडा, पॅशन, ड्रीम युगा, एक्टिवा आदी गाड्यांचा समावेश आहे.सदर ची कारवाई पोलीस अधीक्षक रवींद्र परदेशी पोलीस उपविभागीय अधिकारी आयुष नोपानी , मार्गदर्शनात,ठाणेदार बिपिन इंगळे यांच्या मार्गदर्शनात शशांक बदामवार यांनी केली. सदर घटनेचा पुढील तपास भद्रावती पोलीस करीत आहे.