बेलसनी गावात वेकोलीच्या ओव्हर बर्डनच्या मातीमुळे पूर परिस्थिति, शेतकऱ्यांची नुकसानभरपाईची मागणी

चंद्रपुरातील बेलसनी गावात भीषण पूरपरिस्थिती निर्माण झाली असून वेकोलीच्या ओव्हर बर्डनच्या मातीमुळे पूर परिस्थिति निर्माण होऊन 100 टक्के शेती पाण्याखाली गेली, त्यामुळं हजारो हेक्टरवरील पिकांचे नुकसान झाले असून शेतकऱ्यांनी शासनाकडे नुकसानभरपाईची मागणी केली आहे. तर वेकोली प्रशासनाच्या ढिसाळ नियोजनामुळे ही परिस्थिती उद्भवली असून वेकोलीने तात्काळ नुकसानभरपाई देण्याची मागणी करण्यात आली आहे.

बेलसनी गावाला वेकोलीचे ओव्हर बर्डन लागून असून पाण्याचा निचरा वेळेत होत नाही.तसेच पाणी अडून राहत असून पाणी जाण्यासाठी मार्ग वेकोलीने तयार केला नाही.परिणाम हेच पाणी बेलसनी गावातील शेतकऱ्यांच्या शेतात जात असून शेकडो हेक्टरवरील शेतपिकांचे मोठ्या प्रमाणात नुकसान झाले आहे.तर संपूर्ण शेत पीक खरडून निघाले आहे.दरम्यान काही नागरिकांच्या घरात सुद्धा पाणी शिरल्याने जवळच्या मुसा गावाच्या शाळेत पूर पीडितांना स्थानांतरित केले आहे.