धानोरा पूल बंद पोलीस उप - विभागीय अधिकाऱ्यांनी केली पुलाची पाहणी

घुग्घूस : वर्धा नदीच्या धानोरा ते गडचांदूर शहराला जोडणारा धानोरा पूल हा गेल्या आठ दिवसात पुराच्या पाण्यामुळे दुसऱ्यांदा बुडाल्याने गडचांदूर ते धानोरा मार्गावरील समस्त गावांचा संबंध तुटला आहे.

नदी पात्राच्या दोन्ही बाजूने शेकडो किलोमीटर मोठ्या वाहनांची ट्रक हायवा रांगाच लागल्या आहे.

या वाहना वरील वाहन चालक व मदतनीसाच्या जेवणाची प्रचंड गैरसोय झाली आहे.

तसेच विद्यार्थ्यांचे ही शैक्षणिक नुकसान होत आहे.

नागरिकांना कुठल्याही प्रकारे धोखा होऊ नये याकरिता चंद्रपूर उप - विभागीय पोलीस अधिकारी सुधीर नंदनवार तसेच घुग्घुस पोलीस स्टेशनचे पोलीस निरीक्षक आसिफराजा शेख यांनी नदी पात्रावर जाऊन पूर परिस्थितीचा आढावा घेतला तसेच वाहतूक पोलिसांना बंदोबस्तात ठेवले व परिसरातील गावांना सतर्कतेचा ईशारा दिला.

जिल्ह्यात गेल्या आठ दिवसापासून अतिवृष्टी होत असल्याने सर्वत्र नदी - नाले ओसंडून वाहत आहे

नदीत आलेल्या पुराचा पाणी परिसरातील वडा - पांढरकवडा,नागाळा,महाकुर्ला येथील शेत शिवारात गेल्याने शेत पिकांचे मोठ्या प्रमाणात नुकसान झाले आहे