*प्रधानमंत्री किसान समृद्धी केंद्राचे उद्घाटन।

*प्रधानमंत्री किसान समृद्धी केंद्राचे उद्घाटन।*

✍️दिनेश झाडे

चंद्रपूर जिल्हा प्रतिनिधी

कोरपना:-देशाचे लोकप्रिय पंतप्रधान मा. श्री. नरेंद्रजी मोदी यांच्या शुभहस्ते आज राजस्थान येथील सीकर येथून देशभरातील १.२५ लक्ष “प्रधानमंत्री किसान समृद्धी केंद्रांचे उद्घाटन तसेच ०८.५ करोड शेतकऱ्यांना पी.एम. किसान योजनेच्या चौदाव्या हप्त्याचे हस्तांतरण करण्यात आले. या राष्ट्रव्यापी कार्यक्रमाच्या माध्यमातून मा. पंतप्रधान नरेंद्रजी मोदी यांनी देशभरातील शेतकऱ्यांसोबत याठिकाणाहून सुसंवाद ही साधला.

या सुंदरशा कार्यक्रमाच्या निमित्तानं, कोरपना येथील प्रतिष्ठित व्यापारी श्री. विशाल गज्जलवार यांच्या प्रधानमंत्री किसान समृद्धी केंद्राचे उद्घाटन करून मा. पंतप्रधानांच्या राष्ट्रव्यापी संबोधनाचे थेट प्रक्षेपणाच्या माध्यमातून सामुहिक दृकश्रवण केले.

याप्रसंगी बोलताना, मा. मोदीजींच्या नेतृत्वातील केंद्र सरकार नेहमीच बळीराजाच्या हितासाठी काम करत आले आहे. शेतकऱ्यांना शेतीसाठी लागणाऱ्या अनेक गोष्टींसाठी वेगवेगळ्या ठिकाणी पायपीट करावी लागते. यासाठीच पंतप्रधान किसान समृद्धी केंद्र आता उभारण्यात येत आहेत. जिथे शेतकऱ्यांना या आवश्यक गोष्टींबरोबरच शेतीविषयक इतर माहिती सुद्धा मिळणार आहे. असे प्रतिपादन मी केले.

यावेळी तालुकाध्यक्ष नारायण हिवरकर, आदिवासी मोर्चाचे प्रमुख अरूण मडावी, तालुका उपाध्यक्ष पुरुषोत्तम भोंगळे, अरूण पा. नवले, शशिकांत आडकिणे, प्रमोद पायघन, माजी नगरसेवक अमोल आसेकर, यशवंत पा. इंगळे, हिरापुरचे माजी सरपंच प्रमोद कोडापे, भाजयुमोचे दिनेश खडसे, जगदिश पिंपळकर, अनिल कौरासे, तिरूपती किन्नाके, सागर धुर्वे, पुंडलिक दोरखंडे आदिंसह परीसरातून शेतकरी बांधवांची मोठी उपस्थिती होती.