*मतिमंद मुलीवर बलात्कार करणाऱ्या नराधमाला कठोर शिक्षा द्या* *आमदार सुभाष धोटेंची राज्य सरकारकडे मागणी*

*मतिमंद मुलीवर बलात्कार करणाऱ्या नराधमाला कठोर शिक्षा द्या*

आमदार सुभाष धोटेंची राज्य सरकारकडे मागणी

✍️दिनेश झाडे

चंद्रपूर जिल्हा प्रतिनिधी

राजुरा :-राजुरा विधानसभा क्षेत्र अंतर्गत जिवती तालुक्यातील आंबेझरी येथील कोलाम आदिवासी समाजातील एका मतिमंद मुलीवर एका क्रूरकर्मा व्यक्तीने हातपाय बांधून बलात्कार केल्याची अत्यंत निंदनीय आणि माणुसकीला काळिमा फासणारी घटना घडली आहे. या घटनेचा निषेध करावा तेवढे कमी आहे. नराधमावर कठोरात कठोर शिक्षा देण्यासंदर्भात शासनाने पावले उचलावी अशी मागणी आमदार सुभाष धोटे यांनी राज्य विधिमंडळाच्या अधिवेशनाच्या आजच्या कामकाजात केली आहे.

     मणिपूर येथील संवेदनशील घटनेविषयी संपूर्ण देशात जनआक्रोश व्यक्त होत असतानाच आता चंद्रपूर जिल्ह्यातील जिवती तालुक्यातील उप पोलिस स्टेशन पिट्टीगुडाच्या हद्दीतील आंबेझरी येथे कोलाम जमातीच्या १९ वर्षीय मतिमंद मुलींचे हातपाय बांधून बलात्कार केल्याची धक्कादायक घटना उघडकीस आली आहे. यामुळे जनतेच्या मनात प्रचंड आक्रोश आहे. भविष्यात अशा प्रकारचे दुष्कृत्य करण्याची कुणाची हिंमत होणार नाही अशा प्रकारची शिक्षा या नराधमाला देण्यात यावी अशी मागणी आ. धोटे यांनी केली आहे.