सततच्या नापिकीने नैराश्य आलेल्या पस्तीस वर्षीय शेतकऱ्याची आत्महत्या.

सततच्या नापिकीने नैराश्य आलेल्या  पस्तीस वर्षीय शेतकऱ्याची आत्महत्या.

रीपोर्टर : भद्रावती तालुका प्रतिनिधी : राजेश येसेकर

मो. ७७५७९६३५२२

भद्रावती : गेल्या तीन-चार वर्षांपासूनची सततची नापिकी व यावर्षी मुसळधार पावसाने वाहून गेलेले पीक व कर्जाचा डोक्यावरचा वाढता डोंगर यामुळे नैराश्य आलेल्या एका ३५ वर्षी  अल्पभूधारक शेतकऱ्याने आपल्या राहत्या घरीच गळफास घेऊन आत्महत्या केल्याची घटना तालुक्यातील चिचोली या गावात घडली.

विवेक ताराचंद गेडाम वय ३५ वर्ष राहणार चिचोली हे या मृत शेतकऱ्याचे नाव आहे. त्याच्या पश्चात पत्नी, दोन मुली व आई असा आप्तपरीवार आहे. सदर मृत शेतकरी हा गेल्या तीन ते चार वर्षांपासूनच्या सततच्या नापिकेने त्रस्त झाला होता. त्यामुळे त्याच्या डोक्यावर कर्जाचा डोंगर वाढला होता. यावर्षी सुद्धा त्याने आपल्या अल्पशेतीत खरिपाचे पीक लावले होते. मात्र या आठवड्यात झालेल्या मुसळधार पावसाने शेतातील पिकांचे मोठ्या प्रमाणात नुकसान झाले. यामुळे नैराश्य येऊन सदर शेतकऱ्याने आत्महत्या केली. पत्नी शेतात व मुले शाळेत गेले असताना आपल्या राहत्या घरीच त्याने गळफास लावून आत्महत्या केली. मुली शाळेतून आल्यानंतर ही घटना उघडकीस आली.

विवेक यांच्या आत्महत्येमुळे परीसरात सर्वत्र हळहळ व्यक्त होत आहे.

         या घटनेची माहिती भद्रावती पोलिसांना मिळाल्यानंतर त्यांनी घटनास्थळी जाऊन पंचनामा केला. व मृतदेह शवविच्छेदनासाठी ग्रामीण रुग्णालयात भद्रावती येथे पाठविला. पुढील तपास ठाणेदार बिपीन इंगळे यांच्या पीएसआय अमोल तुळजेवार करीत आहे.