घुग्घूस च्या ग्रामपंचायत काळातील अनेक महत्वपूर्ण कागदपत्रे रस्त्यावर ?

काही जळालेल्या अवस्थेत काही जैसे थे

घुग्घूस : शहरातील पोलीस स्टेशन ते एसीसी कंपनीकडे जाणाऱ्या मुख्य मार्गा लगत ग्रामपंचायत काळातील नागरिकांचे ओरिजनल जन्म प्रमाणपत्रा सह अनेक महत्वपूर्ण कागदपत्रे काही जळालेल्या अवस्थेत तर काही जैसे थे वैसे परिस्थितीत पडले असल्याची माहिती काही जागृत नागरिकांनी दिली असता घटनास्थळी भेट दिली असता सदर प्रकार आश्चर्यकारक असल्याचे दिसून आले याठिकाणी ग्रामपंचायत काळातील जन्म व मृत्यूचे प्रमाणपत्र, ठराव व अनेक शासकीय कागदपत्रे ढिगाच्या स्वरूपात पडून असल्याचे दिसत आहे.

या कागदपत्रांना जाळण्याचा प्रयत्न करण्यात आला मात्र पावसामुळे कागदपत्रे जळाले नाही.

ही कागदपत्रे जर निष्क्रिय व कालबाहय झाली असेल तरी ही या कागदपत्रांची योग्य पद्धतीने विल्हेवाट लावण्याची आवश्यकता होती.

या मध्ये नागरिकांशी महिलांशी संबंधित अनेक कागदपत्रे असल्याने त्यांचा गैरवापर ही होऊ शकतो करिता नगरपरिषदेने तातळीने सदर कागदपत्रांची चौकशी करून विल्हेवाट लावावी अशी मागणी नागरिकांन तर्फे करण्यात येत आहे