वर्धा नदीच्या धानोरा गढचादुर पुलावरून वाहतेय पाणी,

धानोरा, गडचांदूर भोयगाव मार्ग बंद*

घुग्घुस:

मागील पाच दिवसांपासून जिल्ह्यात मुसळधार पाऊस सुरू आहे.अशातच चंद्रपूर तालुक्यातील वर्धा नदीच्या धानोरा पुलावरून पाणी वाहत असून धानोरा, गडचांदूर भोयगाव मार्ग बंद करण्यात आला आहे. या मार्गावर घुग्गुस पोलिसांनी बॅरिकेट्स लावून हा मार्ग वाहतुकीसाठी बंद केला असून नागरिकांनी व वाहतुकदारांनी सतर्क राहण्याचे आवाहन पोलीस निरीक्षक आसिफरजा शेख यांनी केले आहे.

वर्धा नदीच्या प्रवाहात मोठ्या प्रमाणात वाढ झाल्याने दरवर्षी प्रमाणे धानोरा पूल पाण्याखाली गेला आहे.तर वर्धा नदीलगत असलेली शेकडो हेक्टर शेती पाण्याखाली गेली असून शेतकऱ्यांच्या शेतपिकांचे मोठ्या प्रमाणात नुकसान झाले आहे.तर धानोरा गावाचा चंद्रपूर मुख्यालयाशी संपर्क तुटला आहे.गडचांदर भोयगाव मार्ग वाहतुकीसाठी बंद करण्यात आला असून घुग्गुस पोलिसांनी या मार्गावर बॅरिकेट्स लावले आहे. त्यामुळं या मार्गावर वाहनांच्या लांबच लांब रांगा लागल्या आहेत.तर वर्धा नदीच्या पुलावर पोलीस तैनात करण्यात आले आहेत.