विशेष मोहीम: मतदार यादी तपासणीसाठी केंद्रस्तरीय अधिकारी (BLO) देणार घरोघरी भेट ; नागरिकांनी सहकार्य करावे.

विशेष मोहीम: मतदार यादी तपासणीसाठी केंद्रस्तरीय अधिकारी (BLO) देणार घरोघरी भेट ; नागरिकांनी सहकार्य करावे.

रिपोर्टर': भद्रावती तालुका प्रतिनिधी : राजेश येसेकर

मो. ७७५६९६३५१२

भद्रावती तालुका प्रतिनिधी : १ जानेवारी, २०२४ या अर्हता दिनांकावर आधारित छायाचित्रासह मतदार यादीचा विशेष संक्षिप्त पुनरीक्षण कार्यक्रम भारत निवडणूक आयोगाचे दिनांक २९ मे २०२३ पत्रानुसार जाहीर करण्यात आलेला आहे. त्या अनुषंगाने दिनांक १० जुलै २०२३ रोजी वरोरा उपविभागातील सर्व मतदान केंद्रस्तरीय अधिकारी (BLO) यांचे प्रशिक्षण घेण्यात आलेले आहे.

मतदान केंद्रस्तरीय अधिकारी यांचेव्दारे दिनांक २१ जुलै २०२४ ते २१ ऑगष्ट २०२३ दरम्यान प्रत्यक्ष घरोघरी भेट देऊन नविन मतदार, मय्यत झालेले मतदार, मतदार यादीतील नोंद दुरुस्ती तसेच मतदार यादीतील / मतदार ओळखपत्रातील त्रुटी दूर करणे करीता, त्रुटी तपासुन नमुना अर्ज, ६, नमुना अर्ज ७, नमुना अर्ज ८, भरुन घेतील

दिनांक २२ ऑगष्ट २०२३ ते २९ सप्टेंबर २०२३ पर्यंत मतदान केंद्राचे सुसूत्रीकरण व प्रमाणीकरण करणार आहेत. तसेच दिनांक १७ ऑक्टोबर २०२३ पर्यत मतदान केंद्रस्तरीय अधिकारी प्रत्येक मतदान केंद्रावर दावे व हरकती स्विकारणार आहेत.

याबाबत मतदार नोंदणी अधिकारी तथा उपविभागीय अधिकारी वरोरा, तसेच सहाय्यक मतदार नोंदणी अधिकारी तथा तहसिलदार भद्रावती यांनी सर्व मतदारांना आव्हान करुन केंद्रस्तरीय अधिकारी यांना नविन मतदार नाव नोंदणी करणे, मय्यत मतदाराचे नाव कमी करणेकरीता सहकार्य करण्यास विनंती केलेली आहे.