बल्गेरिया देशासाठी एक हजार कोटींचा ऑर्डर- तोफांसाठी लागणारे 155 एम एम तोफगोळे समारंभपूर्वक केले रवाना.

बल्गेरिया देशासाठी एक हजार कोटींचा ऑर्डर- तोफांसाठी लागणारे 155 एम एम तोफगोळे समारंभपूर्वक केले रवाना.

रिपोरटर : भद्रावती तालुका प्रतिनिधी : राजेश येसेकर

मो. ७७५६९६३५१२,८४५९०४५१५८

भद्रावती : चंद्रपूरच्या भद्रावती येथील आयुध निर्माणीच्या वाटचालीत आजचा दिवस अभूतपूर्व यशाचा होता. ऑक्टोबर २०२१ मध्ये कंपनीत परिवर्तन झाल्यानंतर निर्माणीमध्ये तयार झालेली पहिली परदेशी निर्यात खेप आज रवाना झाली.  बल्गेरिया देशासाठी एक हजार कोटींच्या ऑर्डर पैकी ८० कोटीची पहिली खेप चंद्रपूर आयुध निर्माणीने रवाना केली. बोफोर्स व अन्य तोफांसाठी लागणारे १५५ एमएम तोफगोळे या खेपेतून समारंभपूर्वक रवाना करण्यात आले. ही आयुध निर्माणी पुणे- खडकी येथील म्युनिशन्स इंडिया लिमिटेड या कंपनीत परिवर्तित झाल्यानंतर प्रकल्पाने उत्पादनाचे नवे कीर्तिमान स्थापित केले आहेत.

      त्यातच आता पहिला परदेशी ऑर्डर रवाना होण्यास सुरूवात झाल्याने चंद्रपूर आयुध निर्माणीच्या यशात मानाचा तुरा खोवला गेलाय. म्युनिशन्स इंडिया लिमिटेड ही भारतातील दारुगोळा तयार करणारी सर्वात मोठी कंपनी असून भारतीय सैन्यदल आणि परदेशात देखील विविध शस्त्रांसाठीचा दारुगोळा ही कंपनी तयार करते.

      चंद्रपूर आयुध निर्माणीत गायडेड पिनाका रॉकेट, पिनाका एडीएम टाईप १ रॉकेट, १५५ MM स्मार्ट अम्युनिशन यांची निर्मिती करण्यात येते. चंद्रपूर आयुध निर्माणीला देश-विदेशातून शेकडो ऑर्डर्स प्राप्त झाल्या असून त्या वेळेत पूर्ण करण्यासाठी कसोशीने प्रयत्न केले जात आहेत.