सेल्फी काढण्याच्या नादात घोडाझरी तलावात चार तरुणाचा मृत्यू

सेल्फी काढण्याच्या  नादात घोडाझरी तलावात चार तरुणाचा मृत्यू

रिपोर्टर : राजेश येसेकर भद्रावती / वरोरा तालुका प्रतिनिधी.

मो. ७७५६९६३५१२, ८४५९०४५१५८.

वरोरा :- वरोरा तालुक्यातील शेगाव येथील युवक पर्यटनासाठी नागभीड तालुक्यातील घोडाझरी तलावाचे सौंदर्यीकरण बघण्यासाठी  गेले होते. सेल्फी काढतांना एकाचा पाय घसरला त्याला वाचविण्यासाठी गेले असता चार युवकांचा मृत्यू झाला. गेल्या ३-४ दिवसापासून सतत पाऊस येत असल्यामुळे घोडाझरी तलावात सभोवताली असलेल्या डोंगरदऱ्यातून भरपूर पाणी आले आहे. घोडाझरीचे तलावाचे सौंदर्य बघण्यासाठी वरोरा तालुक्यातील शेगाव येथील ८ युवक आले. सौदर्यीकरणाचे मोह न आवरल्याने सेल्फी काढण्याच्या नादात एकाच पाय घसरला. त्याला पकडण्यासाठी ३ युवकही पडले. आलेल्या ८ पैकी ४ युवक बुडाले. त्यात मनीष श्रीरामे ( २६ ), धीरज झाडें (२७), संकेत मोडक (२५), चेतन मांदाडे ( २७ ), यांचा मृत्यू झाला. घटनेची माहिती मिळताच नागभीड येथील पोलीसांनी घटनास्थळी पोहोचून त्यांचे शोध मोहीम सुरु असल्याची माहिती आहे.