महिलांना त्रासदायक ठरणाऱ्या आठवडी बाजारातील देशी भट्टी बंद करा

महिला जिल्हा उपाध्यक्ष यास्मिन सैय्यद तर्फे ठाणेदारांना निवेदनातून मागणी

घुग्घूस : शहरातील मुख्य आठवडी बाजार हा रविवारी पोलीस स्टेशन समोर भरत असतो या बाजारात शहरातील महिला तसेच परिसरातील महिला या मोठ्या संख्येने बाजारात येतात मात्र या बाजारात जशन देशी भट्टी सुरू झाल्याने दिवसभर या देशी भट्टीत दारुडे येतात व दारू पिऊन धिंगाणा घालतात  अश्लील हावभाव व शेरेबाजी करतात छेळ काढतात

या दारुड्यामुळे बाजारात येणाऱ्या महिलांना प्रचंड त्रास होत असतो.

बाजारातुन भाजीपाला घेणे हे त्यांची आवश्यकता असल्याने त्यांना मजबुरीने या देशी भट्टी समोरून जावेच लागते.

करिता सदर देशी भट्टी ही रविवारी बंद ठेवण्यात यावे अश्या स्वरूपाची मागणी जिल्हा महिला काँग्रेस जिल्हाध्यक्ष सौ. नम्रता ठेमस्कर यांच्या मार्गदर्शनाखाली महिला जिल्हा उपाध्यक्ष सौ. यास्मिन अफसर सैय्यद यांनी जिल्हाधिकारी यांना पोलिस निरीक्षक आसिफराजा शेख यांच्या मार्फत दिलेल्या निवेदनातुन केली आहे.

याप्रसंगी राधाबाई गोगला,सौ. रेखा ताई चतुरकर, रेवती सेनानी,निखहत तब्बसुम, व अन्य महिला पदाधिकारी उपस्थित होते