मोबाईल व्यावसायिकाला विस हजार रुपयांचा लावला चुना तो भामटा सिसिटीव्ही कॅमेरात केले कैद - वरोरा येथील घटना.

मोबाईल व्यावसायिकाला विस हजार रुपयांचा लावला चुना

तो भामटा सिसिटीव्ही कॅमेरात केले कैद - वरोरा येथील घटना.

रीपोर्टर : राजेश येसेकर भद्रावती/वरोरा प्रतिनिधी.

7756963512,8459045158

भद्रावती / वरोरा : मला दुसऱ्याला वीस हजार रुपये पाठवायचे आहे. तुम्ही तुमचा चार्ज घ्या असे म्हणत त्याने बारकोड दाखविला मोबाईल व्यावसायिकाने बारकोड स्कॅन करून २० हजार रुपये ट्रांसफर केले. पण माझे पैसे गाडीच्या डिकीत राहिले असे म्हटले आणि मोपेड गाडी घेऊन तो फरार झाला. हि घटना मंगळवारी सायंकाळी ५.३० वाजताच्या दरम्यान आंबेडकर चौक येथे घडली.

       वरोरा शहरात आंबेडकर चौकात मेबाईलचे दुकान आहे. येथे सायंकाळी ५.३० वाजताच्या दरम्यान ३० वर्षाचा एक युवक आला. त्याने दुकानदाराला दुसऱ्याच्या खात्यात पैसे पाठवायचे आहे. तुमचा जो चार्ज असेल तो देऊ असे म्हटले. दुकानदाराने हजार रुपयाला १० रुपये असे २० हजाराला दोनशे रुपये चार्ज होणार असे सांगितले नंतर त्या युवकाने आपल्या मोबाईल मधिल व्हॉटसअप मधिल बारकोड स्कॅन करण्यासाठी दिला. दुकानदाराने स्कॅन करून विस  हजार रुपये ट्रांसफर केले. त्यानंतर त्या युवकाने दुकानदाराला दोनशे रुपये चार्ज दिला. कॅश मोपेड गाडीच्या डिकीत राहिले. आणुन देतो. असे म्हणताच मोपेड गाडी घेऊन पळ काढला. दुकानदार त्याच्या मागे गेला मात्र तो सुसाट गाडी चालवत पळून गेला. दुकानात सीसीटीव्ही कॅमेरा लावून असल्याने त्या भामट्याचा चेहरा त्यात कैद झाला आहे. यानंतर मोबाईल दुकानदाराने वरोरा पोलिसांना झालेला प्रकार सांगितले असता तक्रार दाखल केली. असुन त्या भामट्याचा सिसिटीव्ही फुटेज वरोरा पोलिसांना देण्यात आले. असुन पुढील कारवाई वरोरा पोलीस करीत आहे.