मुनाज शेख यांची राष्ट्रवादी काँग्रेस पक्षाचे प्रदेश सरचिटणीसपदी नियुक्ती

मुनाज शेख यांची राष्ट्रवादी काँग्रेस पक्षाचे प्रदेश सरचिटणीसपदी नियुक्ती

रिपोर्टर : राजेश येसेकर

भद्रावती : तालुका प्रतिनिधी

मो. 7756963512, 8459045158

भद्रावती : राष्ट्रवादी काँग्रेस शरद पवार गटाच्या प्रदेश सरचिटणीसपदी भद्रावती येथील मुनाज शेख यांची प्रदेशाध्यक्ष जयंत पाटील यांनी नियुक्ती केली आहे. मुंबई येथील प्रदेश कार्यालयात पाटील यांनी त्यांना नियुक्तीपत्र दिले. मुनाज शेख हे या आधी प्रदेश प्रतिनिधी म्हणून कार्यरत होते. पक्षाचे नेते खा. शरद पवार व खा. सुप्रिया सुळे यांच्या मान्यतेने त्यांची ही नियुक्ती करण्यात आली. यावेळी माजी गृहमंत्री अनिल देशमुख, राष्ट्रवादी युवक काँग्रेसचे प्रदेशाध्यक्ष मेहबूब शेख, प्रदेश कार्याध्यक्ष नितीन भटारकर यांची उपस्थिती होती. मुनाज शेख यांची पक्षाच्या सरचिटणीसपदी नियुक्ती झाल्याने  त्यांच्या कार्यक्षेत्रात राष्ट्रवादी काँग्रेस पक्षाचे कार्य जोमाने वाढेल व त्यांच्या माध्यमातून कार्यक्षेत्रातील सर्वसामान्य जनतेच्या समस्या मार्गी लावण्याचे प्रयत्न यशस्वी होईल असा विश्वास यावेळी जयंत पाटील यांनी व्यक्त केले. नियुक्ती बद्दल मुनाज शेख यांनी पक्षाच्या वरिष्ठांचे आभार मानले.