*चंद्रपूर जिल्ह्यातील सामाजिक न्याय विभागाचे शासकीय वसतीगृहे तातडीने सुरु करा* *आमदार सुभाष धोटे यांची मुख्यमंत्री एकनाथ शिंदे यांच्याकडे मागणी*

*चंद्रपूर जिल्ह्यातील सामाजिक न्याय विभागाचे शासकीय वसतीगृहे तातडीने सुरु करा*

आमदार सुभाष धोटे यांची मुख्यमंत्री एकनाथ शिंदे यांच्याकडे मागणी

✍️दिनेश झाडे

चंद्रपूर जिल्हा प्रतिनिधी

राजुरा :-चंद्रपूर जिल्ह्यातील सामाजिक न्याय विभागाचे वसतीगृह शैक्षणिक सत्र सुरु होऊन सुद्धा अजूनही सुरु झाले नाहीत. अनेक शाळा, कनिष्ठ महाविद्यालयाचे निकाल जाहीर झाले आणि विद्यार्थांची वरच्या वर्गात बढती झाली त्यामुळे त्यांना पुढील शिक्षणाकरिता वसतीगृहाची आवश्यकता आहे. अनेक विद्यार्थी हे ग्रामीण भागातील असल्याने वसतिगृहाच्या माध्यमातुन शहराच्या ठिकाणी प्रवेश घेऊन आपले शिक्षण पूर्ण करण्याकरीता शहराचे ठिकाणी येत असतात. जवळपास ६० ते ७० टक्के विद्यार्थी वसतिगृहात प्रवेशित आहेत. शैक्षणिक सत्र सुरु होऊन बराच कालावधी पूर्ण होत आहे. मात्र शासनाच्या दिरंगाईमुळे वसतीगृहाच्या भोजन व्यवस्थेचे कंत्राट अजुनही निश्चित न झाल्यामुळे विद्यार्थ्याची गौरसोय होत आहे. हि सुविधा शैक्षणिक सत्र सुरु होण्याच्या एक महिना पूर्वी कंत्राटदार नेमणे, भोजन व्यवस्था पूर्णपणे निश्चित करणे. वसतीगृहांची साफसफाई करणे. इत्यादी बाबी शासन स्तरावर करून घेणे अनिवार्य असतांना सुद्धा याकडे दुर्लक्ष होत असल्यामुळे विद्यार्थ्यांचं मोठ्या प्रमाणात शैक्षणिक नुकसान होत आहे.

       करीता सदर बाब हि गंभीर असल्याने याकडे जातीने लक्ष देऊन चंद्रपूर जिल्ह्यातील सामाजिक न्याय विभागाचे शासकीय वसतीगृहे तातडीने सुरु करणेसंदर्भाने कार्यवाही करण्यात यावी अशी मागणी आमदार सुभाष धोटे यांनी राज्याचे मुख्यमंत्री एकनाथ शिंदे यांच्याकडे निवेदनाद्वारे केली आहे. तसेच आयुक्त

समाजकल्याण विभाग

महाराष्ट्र राज्य पुणे यांच्याकडेही निवेदनाद्वारे यासंदर्भात पाठपुरावा करण्यात आला आहे.