*कृषी दुकानदाराकडून होणारी शेतकऱ्यांची लूट थांबवा-राष्ट्रीय बजरंग दल नेता नंदू गट्टूवार*

*कृषी दुकानदाराकडून होणारी शेतकऱ्यांची लूट थांबवा-राष्ट्रीय बजरंग दल नेता नंदू गट्टूवार*

✍️दिनेश झाडे

चंद्रपूर जिल्हा प्रतिनिधी

चंद्रपूर:-चंद्रपूर जिल्ह्यात खरिपाच्या पेरणीस खत बी बियाणे विकत घेण्यासाठी चंद्रपूर जिल्ह्यात गावा गावात गर्दी करत आहे परंतु खतबी बियाण्यांच्या बी बियाण्यांच्या कृत्रिम तुटवडा निर्माण करून जास्त दराने विक्री करत शेतकऱ्यांची मोठ्या प्रमाणात आर्थिक लूट केली जात आहे. खरेदी खताच्या पक्या पावत्या न देता बनावट पावत्या दिल्या जात असून याकडे कृषी अधिकारी व महाराष्ट्र शासनाचे सर्वच कृषी खाते नेहमी प्रमाणे जाणीवपूर्वक दुर्लक्ष करत असल्याचा आरोप राष्ट्रीय बजरंग दल विदर्भ प्रांत संपर्क प्रमुख नंदू भाऊ गट्टूवार यांनी केला आहे. जिल्ह्यातील कृषी दुकानदारांनी शेतकऱ्यांना लुटण्याचा डाव   आखला असून जास्तीच्या किमतीत मालाची विक्री करत असल्यामुळे शेतकरी बांधव हवालदिल झालेला आहे. व्यापाऱ्याकडून शेतकऱ्यांना शासकीय नमुना बिल (पक्क्या पावत्या) दिले जात नाही. चंद्रपूर जिल्ह्यातून बाहेरच्या जिल्ह्यात मोठ्या प्रमाणात खताची विक्री होत असताना आपल्याकडे शेतकऱ्यांना शिल्लक असून देखील हवे ते अवाढव्य किमतीत घ्यावे लागते या सर्व प्रकाराकडे कृषी अधिकारी जाणीव पूर्वक डोळझक करत आहेत. आश्या दुकानदारांवर तत्काळ कारवाई करून शेतकऱ्यांना हवा तो माल योग्य किमतीत उपलब्ध करून घ्यावा नसता कृषी अधिकाऱ्यांच्या काळे फासू असा इशारा राष्ट्रीय बजरंग दल नेता नंदू भाऊ गट्टूवार यांनी दिला.