विहिरित उडी घेऊन २४ वर्षीय युवकानी संपवली जीवनयात्रा वरोरा तालुक्यातील शेगाव (बु) येथील धक्कादायक घटना.

विहिरित उडी घेऊन २४ वर्षीय  युवकानी संपवली जीवनयात्रा

वरोरा तालुक्यातील शेगाव (बु) येथील धक्कादायक घटना.

रीपोर्टर : राजेश येसेकर

भद्रावती :तालुका प्रतिनिधी

भद्रावती / वरोरा : येथुन काही अंतरावर असलेल्या शेगाव (बु.) येथील  २५ वर्षीय  या एका  युवकाने काल रात्री विहारित उडी घेऊन आपली जिवन यात्रा संपवल्याची धक्कादायक घटना घडली आहे.

वरोरा तालुक्यातील शेगाव (बु) येथील दुर्गेश बंडु  बावणे वय (२४) वर्षे हा मजूरी करुन आपल्या उदरनिर्वाह करत होता. सदर युवक हा अविवाहित असून त्याला पोटाच्या दु:खण्याचा त्रास असल्याची माहिती आहे. या पोटाचे दुखण्याचा त्रास सहन न झाल्याने दुर्गेश बावणे यांनी आत्महत्या केल्याचा संशय व्यक्त केले जात आहे. काल दि. ४ जुलै ला रात्री घरुन  अचानक तो निघून गेल्याने घरच्यांनी त्याचा सगडीकडे शोध घ्यायला सुरुवात केली. परंतु त्याचा कुठेही पत्ता लागला नाही. त्यामुळे घरचे निराश होऊन घरी परतले व आज सकाळी परत शोध घेण्याला सुरुवात केली. असता घरा पासून काही अंतरावरच असलेल्या राम मंदिर परिसरातील विहरिमध्ये तो मृत अवस्थेत आढळून आल्याने घरच्यावर दुखाचा डोंगरच कोसळला.

   या घटनेची माहिती शेगाव पोलीस स्टेशन ला मिळताच घटनास्थळ जाऊन  मृतदेह विहिरिबाहेर काढून पंचनामा करुन शवविच्छेदनासाठी उपजिल्हा रुग्णालय, वरोरा येथे पाठविण्यात आले. घटनेचा पुढील तपास शेगाव पोलीस स्टेशनचे ठाणेदार अविनाश मेश्राम यांचे मार्गदर्शनात पोलीस शिपाही मदन येरमे, अतुल कनवटे हे करीत आहे.