मध्यराञी शहरातील बुक हाऊस व कपड्याच्या दुकानाला आग लागली . का ?

अंदाजे पाच लाखाचे नुकसान कळविण्यात येत आहे

घुग्घुस,: - चंद्रपूर - तालुक्यातील घुग्घुस शहरातील मध्यभागी जामा मस्जिद समोर असलेल्या अल-रजा कॉम्प्लेक्स मधील इस्लामिक बुक हाऊस व कपड्याच्या दुकानाला मंगळवारी मध्यरात्री आग लागली. या आगीत अंदाजे पाच लाखांचे नुकसान झाले असून सुदैवाने आजुबाजु घरे असून मोठी जीवितहानी टळली आहे.या घटनेची माहिती राञी घुग्गुस पोलिसांना मिळताच पोलीस निरीक्षक आसिफरजा शेख घटनास्थळी दाखल झाले.त्यानंतर अग्निशमन विभागाला पाचारण करण्यात आले व आगीवर पाण्याने नियंत्रण मिळविण्यात यश आले.

मिळालेल्या माहितीनुसार मंगळवारी रात्री 12.30 च्या सुमारास ही आग लागली असून शॉर्ट सर्किटमुळे ही आग लागल्याची शक्यता वर्तविण्यात येत आहे. दरम्यान या आगीत अंदाजे पाच लाखांचे नुकसान झाल्याची माहिती दुकान मालक मोहम्मद हनिफ ने दिली आहे.या घटनेचा पुढील तपास घुग्गुस पोलीस करीत आहेत.

मात्र काल रात्री शहरात जोरदार पाऊस पडला व पावसा नंतर सदर दुकानाला आग कशी ? लागली . असे नागरिका कडुन आश्चार्य व्यक्त केली जात आहे