*रामपूर गावाला राजुरा नगर परिषदेत समाविष्ट करा* *आमदार सुभाष धोटेंची मुख्यमंत्र्यांकडे निवेदनाद्वारे मागणी*

*रामपूर गावाला राजुरा नगर परिषदेत समाविष्ट करा*

आमदार सुभाष धोटेंची मुख्यमंत्र्यांकडे निवेदनाद्वारे मागणी

✍️दिनेश झाडे

चंद्रपूर जिल्हा प्रतिनिधी

राजुरा :-चंद्रपूर जिल्ह्यातील राजुरा तालुक्यातील मौजा रामपुर गावालगत कोळशाच्या खाणी असल्याने मोठ्या प्रमाणात कामगार वर्ग येथे वास्तव्यास आहेत. त्यामुळे रामपुर गावातील लोकसंख्या झपाट्याने वाढत असुन सदर गावाची लोकसंख्या 8000 ते 10,000 ऐवढी आहे. गावाच्या आजुबाजुच्या शेतक-यांनी आपल्या शेतांचे अकृशक मध्ये परावर्तीत करून त्या ठिकाणी वसाहती निर्माण झालेल्या आहेत. या वसाहतीतील लोकांच्या मुलभुत सोई, सुविधा व मुलभुत गरजा पुरविणे ग्राम पंचायतच्या अवाक्याबाहेर असल्याने सदर गावाचा विकास खुंटलेला आहे. सदर गाव नगर परिषद राजुरा मध्ये समाविष्ट केल्यास गावाचा विकास करणे व इतर आवश्यक सोई सुविधा तेथील नागरीकांना पुरविणे शक्य होऊ शकेल. या हेतुने नागरीकांसाठी मुलभुत सोई सुविधा पुरविण्याच्या दृष्टीने चंद्रपूर जिल्ह्यातील मौजा रामपुर हे गाव राजुरा नगर परिशद मध्ये समाविष्ट करण्यात यावे अशी मागणी आमदार सुभाष धोटे यांनी राज्याचे मुख्यमंत्री एकनाथ शिंदे यांच्याकडे निवेदनाद्वारे केली आहे. रामपूर येथील स्थानिक नागरिकांनी आ. धोटे यांच्याकडे यासंदर्भात निवेदनाद्वारे मागणी केली होती. त्यानुसार त्यांनी ग्रामस्थांच्या मागणीला सकारात्मक प्रतिसाद देत ही मागणी केली आहे.