इनडोअर बॅडमिंटन स्टेडियममध्ये अडकलेल्या घुबडाला मिळाले जीवदान

इनडोअर बॅडमिंटन स्टेडियममध्ये अडकलेल्या घुबडाला  मिळाले जीवदान

रीपोर्टर : राजेश येसेकर

भद्रावती : तालुका प्रतिनिधी

भद्रावती : शहरातील शिंदे महाविद्यालयाच्या इनडोअर बॅडमिंटन स्टेडियममध्ये एक घुबड अडकून असल्याची माहिती भोज वार्ड भद्रावती येथील नैसर्गिक पर्यावरण व मानवता विकास संस्थेचे विभागीय उपाध्यक्ष श्रीपाद बाकरे यांना मीळताच त्यांनी आपल्या सहकाऱ्यांना माहिती दिली व घटनास्थळी जाऊन मोठ्या शिताफीने त्याला पकडून शहराजवळ असलेल्या एका जंगलातील नैसर्गिक अधिवासात निसर्गमुक्त केले.

        शहराच्या अगदी मध्यवस्तीत असलेल्या शिंदे महाविद्यालयाच्या इनडोअर बॅडमिंटन स्टेडियममध्ये एक घुबड अडकले होते. त्याला त्यातुन बाहेर निघता येत नव्हते. हि माहिती श्रीपाद बाकरे यांना देण्यात आल्यानंतर त्यांनी आपले सहकारी तथा साई संस्थेचे सदस्य अनुप येरणे, आशीष चहाकाटे, शैलेश पारेकर,इम्रान पठाण, आणि वन कर्मचारी व वनमजुर यांच्या सहकार्याने या घुबडाला पकडून जिवदान देण्यात आले.