ग्रामीण रुग्णालय भद्रावती येथे सिकलसेल आरोग्याबद्दल माहिती व रुग्णांना कार्ड वितरण

ग्रामीण रुग्णालय भद्रावती येथे सिकलसेल आरोग्याबद्दल माहिती व रुग्णांना कार्ड वितरण

रीपोर्टर : राजेश येसेकर

भद्रावती : तालुका प्रतिनिधी

भद्रावती : आज दि. ०१/०७/२०२३ रोजी राष्ट्रीय सिकलसेल ॶॅनिमीया निर्मुलन अभियान या कार्यक्रमाचे उद्घाटन ग्रामीण रुग्णालय भद्रावती येथे मा. श्री. अनिल धानोरकर नगराध्यक्ष नगर परिषद भद्रावती यांचे हस्ते करण्यात आले. कार्यक्रमाची औपचारिक सुरवात दिप प्रज्वलाने करण्यात आली. कार्यक्रमाचे अध्यक्ष ग्रामीण रुग्णालय भद्रावतीचे वैद्यकीय अधिक्षक मा. डॉ. मणिषकुमार सिंग होते. तर प्रमुख पाहुणे मा.श्री.सुरज गावंडे तसेच राजुभाऊ उपस्थित होते. सर्व सन्मानिय पाहुण्यांच्या स्वागतानंतर कार्यक्रमाचे प्रास्ताविक करतांना आरोग्य सहायक मा. श्री. संजय मडावी यांनी सिकलसेल आरोग्याबद्दल माहिती दिली.

        यानंतर मा. श्री. अनिलभाऊ धानोरकर यांनी आपल्या मार्गदर्शनात सिकलसेल आजाराबाबतच्या रक्ततपासणी बाबतचे महत्व विवाहापूर्वी व गरोदरपणाचे वेळेतील तपासणीबाबतचे महत्व समजावून सांगितले. व त्यानंतर त्यांच्या हस्ते सिकलसेलग्रस्त रुग्णांना कार्ड वितरीत करण्यात आले.

        या कार्यक्रमाचे संचालन मा. श्री.शितल भडके समुपदेशक (आय.सी. टी.सी.) यांनी केले. तर आभारप्रदर्शन कु. स्वेता कंचार्लावार समुपदेशक (एन.सी.डी.) यांनी केले. कार्यक्रमाच्या यशस्वीतेसाठी कु. मोहिणी गोवारकर इंचार्ज सिस्टर,  व मा. श्री. अतुल सारसर क. ली., मा. श्री. व्ही. के. वैद्य, स. अधि., कु.मोणाली ठाकरे प्र. वै. अधिकारी, कु. तेजश्री  दुर्योधन  प्र.शा.तं (आय.सी.टी.सी.) व इतर कर्मचाऱ्यांनी सहकार्य केले.